মেট্ৰিমনিয়েল চাইটত প্ৰৱঞ্চনাৰ জাল ছলনাময়ীৰ, বিয়া পাতিবলৈ ঠিক কৰা নাৰীয়ে সোধালে ১ কোটি টকাৰ কোব
এইবাৰ মেট্ৰিমনিয়েল চাইটত প্ৰৱঞ্চনাৰ জাল পেলাইছে মোহময়ী নাৰীয়ে। মেট্ৰিমনিয়েল চাইটত দ্বাৰা চিনাকী হোৱা এগৰাকী মহিলাৰ সৈতে হোৱা আন্তৰিকতাৰ ফলতেই মূৰত ৰাম টাঙোন পৰিল অভিযন্তাৰ।
যোৱা জুন মাহত মেট্ৰিমনিয়েল চাইটত অদিতি পেটেল নামৰ এগৰাকী মহিলাৰ সৈতে যোগাযোগ হৈছিল কুলদ্বীপ পেটেল নামৰ এগৰাকী অভিযন্তাৰ। কুলদ্বীপ গুজৰাটৰ গান্ধী নগৰৰ নিবাসী।
ইয়াৰ পৰাই আৰম্ভ হৈছিল সকলো প্ৰৱঞ্চনা। অদিতিয়ে কুলদীপৰ আগত নিজকে ব্যৱসায়ী বুলি পৰিচয় দিছিল। অদিতিয়েৰ কৈছিল তেওঁৰ ব্ৰিটেইনত আমদানি-ৰপ্তানিৰ ব্যৱসায় আছে।
অদিতিয়ে কুলদীপৰ সৈতে BanoCoin নামৰ এটা ক্ৰিপ্টোকাৰেন্সীৰ বিষয়ে আলোচনা কৰিছিল। ইয়াত বিনিয়োগ কৰি বৃহৎ টকা উপাৰ্জনৰ সপোন দেখুৱাইছিল অদিতিয়ে। কুলদীপেও বিশেষ একো নাভাবি অদিতিৰ কথা শুনি তাত টকা ঢলাৰ সিদ্ধান্ত ল’লে। তাত থকা এজন কাষ্টমাৰ কেয়াৰ এক্সিকিউটিভৰ ফোন নম্বৰটোও অদিতিয়ে দিলে কুলদীপক। সেই ফোন নম্বৰত কথা-বতৰা পাতি কুলদীপে বিনিয়োগৰ বাবে নিজৰ নাম পঞ্জীয়ন কৰিছিল।
সেই ক্ৰিপ্টোকাৰেন্সীত কুলদীপে প্ৰথমে জুলাই মাহত ১ লাখ টকা বিনিয়োগ কৰিছিল। আৰম্ভণিতে ভাল ৰিটাৰ্ণও পাইছিল। ইয়াৰ পিছত ভাল ৰিটাৰ্ণৰ লোভত অধিক বিনিয়োগ কৰিবলৈ আৰম্ভ কৰিলে। কিন্তু কুলদীপে প্ৰায় ডেৰ-দুই লাখ টকা উলিয়াবলৈ চেষ্টা কৰাত কুলদীপৰ মূৰত যেন সৰগ ভাগি পৰিল। টকা উলিয়াবলৈ গৈ দেখিলে যে তেওঁৰ একাউণ্ট ফ্ৰীজ কৰা হৈছে।
তাৰ পিছত তেওঁ কাষ্টমাৰ কেয়াৰ এক্সিকিউটিভৰ লগত যোগাযোগ কৰিলে। তাৰ পিছত তেওঁক কোৱা হ’ল যে একাউণ্টটো ঠিক কৰিবলৈ আৰু ৩৫ লাখ টকা বিনিয়োগ কৰিব লাগিব। কুলদীপেও সেই ধন বিনিয়োগ কৰিলে। কিন্তু তাৰপিছতো একাউণ্ট ঠিক নহ’ল কুলদ্বীপৰ।
ইফালে অদিতিয়ে নুঠোৱা হ’ল কুলদীপৰ ফোন। নিদিয়া হ’ব মেচেজৰ প্ৰতুত্তৰ। অৱশেষত তেওঁক প্ৰতাৰণা কৰা হৈছে বুলি উপলব্ধি কৰি তেওঁ আৰক্ষীৰ ওচৰলৈ গ’ল। যোৱা শনিবাৰে তেওঁ চাইবাৰক্ৰাইম থানাত লিখিত অভিযোগ দাখিল কৰে।
আৰক্ষীৰ সূত্ৰ অনুসৰি জুলাইৰ পৰা আগষ্টৰ ভিতৰত কুলদীপ পেটেলে সেই ক্ৰিপ্টোকাৰেন্সিত ১৮ ৰাউণ্ডত মুঠ ১ কোটি ৩৪ লাখ টকা বিনিয়োগ কৰিছিল।
You may also like
অন্য ৰাজ্যৰ লগত নিমিলে অসমৰ পৰিস্থিতি : অকপট স্বীকাৰোক্তি যুটীয়া সংসদীয় সমিতিৰ
অসমৰ পৰিস্থিতি আন ৰাজ্যৰ তুলনাত পৃথক আৰু সেই গতিকে অধিক শুনানিৰ প্রয়োজন আছে বুলি উপলব্ধি কৰি যুটীয়া সংসদীয় সমিতি অসমলৈ পুনৰ শুনানিৰ…
মাৰ্কিন ৰাষ্ট্ৰপতি ড’নাল্ড ট্ৰাম্পৰ আগ্ৰা ভ্ৰমণক লৈ গাত ত’ত নাই উত্তৰ প্ৰদেশৰ মুখ্যমন্ত্ৰী যোগী আদিত্যৰ
আমেৰিকাৰ ৰাষ্ট্ৰপতি ড’নাল্ড ট্ৰাম্পে আগ্ৰা ভ্ৰমণ কৰিব। তাকে লৈ গাত ত’তে নাই উত্তৰ প্ৰদেশৰ মুখ্যমন্ত্ৰী যোগী আদিত্যৰ। দেশৰ আটাইতকৈ অপৰিস্কাৰ পৰ্যটন ক্ষেত্ৰৰূপে…
নৈ কথা আৰু নৈৰ কথা
নৈ কথা — যোৱা বৰ্ষৰ নৱেম্বৰ মাহৰ ১১ তাৰিখে কলকাতা আন্তঃৰাষ্ট্ৰীয় চলচ্চিত্ৰ মহোৎসৱত প্ৰথমবাৰৰ বাবে প্ৰদৰ্শিত হোৱা এই ছবিখনৰ পৰিচালনা কৰিছে ডঃ…
দৈয়াং-ধনশিৰীৰ নদীৰ মাজত অৰণ্য ধ্বংস: বন্যহস্তীৰ আতংকত কাষৰীয়া গাঁওসমূহ
দৈয়াং আৰু ধনশিৰী নদীৰ মাজত অৱস্থিত অৰণ্য অঞ্চলটো এটা সময়ত অসমৰ এক গুৰুত্বপূৰ্ণ প্ৰাকৃতিক সম্পদ হিচাপে পৰিচিত আছিল। এই অঞ্চলটোৱে বহু প্ৰজাতিৰ…