GIMT, গুৱাহাটীলৈ উদ্ভাৱনী সাফল্যৰ অটল ৰেংকিঙৰ স্বীকৃতি

গুৱাহাটীস্থিত গিৰিজানন্দ চৌধুৰী ইনষ্টিটিউট অৱ মেনেজমেণ্ট এণ্ড টেকন’লজী (GIMT) লৈ ‘প্ৰতিশ্ৰুতিপূৰ্ণ’ বেণ্ডৰ অধীনত ‘মহাবিদ্যালয়/শৈক্ষিক প্ৰতিষ্ঠান’ (ব্যক্তিগত/স্ব-বিত্তীয়),(কাৰিকৰী)’ শাখাত প্ৰতিষ্ঠানসমূহৰ উদ্ভাৱনী সাফল্যৰ অটল ৰেংকিং (ARIIA) ২০২১ ত স্বীকৃতি দিয়া হৈছে।

প্ৰতিষ্ঠানসমূহৰ উদ্ভাৱনী সাফল্যৰ অটল ৰেংকিং (ARIIA) হৈছে কেন্দ্ৰীয় শিক্ষা মন্ত্ৰালয়ৰ এক উল্লেখনীয় কাৰ্যসূচী।

শিক্ষাৰ্থী আৰু ফেকাল্টীৰ মাজত “উদ্ভাৱন আৰু উদ্যোগিক বিকাশ” সম্পৰ্কীয় সূচকৰ ওপৰত ভাৰতৰ সকলো মুখ্য উচ্চ শিক্ষানুষ্ঠান আৰু বিশ্ববিদ্যালয়ক প্ৰণালীবদ্ধভাৱে স্থান দিয়াৰ বাবে শিক্ষা মন্ত্ৰালয়ে ARIIA পদক্ষেপ গ্ৰহণ কৰে।

আন্তঃগাঁথনিৰ ওপৰত আধাৰিত মূল্যাঙ্কন, উদ্ভাৱন, আইপিআৰ আৰু ষ্টাৰ্ট-আপ, গৱেষণা আৰু প্ৰকাশন, পৰিৱেশ তন্ত্ৰ সক্ষমসকলৰ সৈতে সহযোগিতা আৰু অংশীদাৰীত্ব আদিৰ ওপৰত প্ৰতিষ্ঠানটোৱে আগবঢ়োৱা শৈক্ষিক পাঠ্যক্ৰমৰ আধাৰত GIMT, গুৱাহাটীয়ে ARRIA মূল্যাঙ্কন প্ৰক্ৰিয়াৰ মাজেৰে এই সন্মান অৰ্জন কৰিবলৈ সক্ষম হৈছে বুলি এক বিবৃতিত কোৱা হৈছে।