ভাৰতৰ মানচিত্ৰত নাই উত্তৰ-পূব! স্কটলেণ্ডৰ ৰেষ্টুৰেণ্টত ক্ষুব্ধ হৈ পৰিল লাভলিনা; সৰৱ ভাৰতীয় বক্সিং সন্থাও

গ্লাছগোৰ এখন ৰেষ্টুৰেণ্টত খাদ্য গ্ৰহণ কৰি থকাৰ সময়তে বক্সাৰ লাভলিনা বৰগোহাঁই ক্ষুব্ধ হৈ পৰে। ভাৰতীয় বক্সিং ফেডাৰেচনেও তেওঁৰ প্ৰতিবাদত সহযোগ কৰে।

কমনৱেলথ গেমছৰ ৰূপৰ পদক বিজয়ী বক্সাৰগৰাকীয়ে ৰেষ্টুৰেণ্টখনত যোগান ধৰা নেপকিনত ভাৰতৰ অসম্পূৰ্ণ মানচিত্ৰ দেখা পাই নিজৰ খং নিয়ন্ত্ৰণ কৰিব নোৱাৰিলে।

গ্লাছগোৰ এখন ৰেষ্টুৰেণ্ট ‘মি: সিংহ’ছ ইণ্ডিয়া – দ্য হোম অৱ কাৰি’য়ে ভাৰতীয় দলটোক আমন্ত্ৰণ জনাইছিল। ভাৰতীয় খেলুৱৈসকলে নিমন্ত্ৰণ গ্ৰহণ কৰি তাতেই খাবলৈ গৈছিল।

তাত দিয়া নেপকিনত ৰেষ্টুৰেণ্টখনৰ নামৰ সৈতে ভাৰতৰ মানচিত্ৰ ছপা কৰা আছিল। কিন্তু মানচিত্ৰখন অসম্পূৰ্ণ আছিল। ইয়াত কাশ্মীৰৰ এটা অংশ আৰু সমগ্ৰ উত্তৰ-পূৰ্ব ভাৰত অন্তৰ্ভুক্ত কৰা হোৱা নাছিল।

নেপকিনত দেশৰ এনে বিকৃত মানচিত্ৰ দেখি লাভলিনাই নিজৰ খং নিয়ন্ত্ৰণ কৰিব নোৱাৰিলে। তেওঁ প্ৰতিবাদ কৰিলে।

লাভলিনাই কয়, “নেপকিনত ছপা কৰা মানচিত্ৰত সমগ্ৰ উত্তৰ-পূব ভাৰত অন্তৰ্ভুক্ত কৰা হোৱা নাই। এইটো গ্ৰহণযোগ্য নহয়। দেশৰ প্ৰতিটো অংশ গুৰুত্বপূৰ্ণ আৰু সম্পূৰ্ণ মানচিত্ৰ ছপা কৰা উচিত।”

অলিম্পিক পদক বিজয়ী বক্সাৰগৰাকীৰ এই বক্তব্যক সমৰ্থন কৰে বিএফআইয়ে। সংস্থাটোৰ সভাপতি অজয় ​​সিঙে কয় যে, “নেপকিনৰ মেপখনত কাশ্মীৰৰ এটা অংশও অন্তৰ্ভুক্ত কৰা হোৱা নাই। আমি সংশ্লিষ্ট ৰেষ্টুৰেণ্ট কৰ্তৃপক্ষক ভুলটো অতি সোনকালে শুধৰাই দিবলৈ কৈছো।”

All Indian players went to a restaurant in Glasgow to celebrate victory in commonwealth games when they noticed incomplete map of India..

Boxer Lovlina Borgohain who recently won silver medal in commonwealth games objected to a map of India printed on the restaurant’s napkins as… pic.twitter.com/gfSGXmx00B

— Trupti Garg (@garg_trupti) August 2, 2026

গ্লাছগোৰ ভাৰতীয় ৰেষ্টুৰেণ্ট কৰ্তৃপক্ষই অৱশ্যে ভাৰতৰ বিকৃত মানচিত্ৰক লৈ কোনো বক্তব্য প্ৰকাশ কৰা নাই।