সদৌ অসম আন্ত:জিলা বক্সিং প্ৰতিযোগিতাত গোলাঘাট জিলা এমেচাৰ বক্সিং সংস্থাৰ সাফল্য
ইংৰাজী ১৬ মাৰ্চৰ পৰা ১৯ মাৰ্চ ২০২১ তাৰিখৰলৈকে গুৱাহাটীৰ সৰুসজাই স্পৰ্ট কমপ্লেক্সত অনুষ্ঠিত হোৱা ৪১ সংখ্যক সদৌ অসম আন্ত: জিলা চাব জুনিয়ৰ আৰু যুৱ ল’ৰা-ছোৱালীৰ প্ৰতিযোগিতাত গোলাঘাট জিলা এমেচাৰ বক্সিং সংস্থাৰ দলটিয়ে তিনিটা সোণ, দুটা ৰূপ আৰু দুটা ব্ৰঞ্জৰ পদকসহ বিশেষ সাফল্য কঢ়িয়াই আনিবলৈ সক্ষম হৈছে।
পদক বিজেতা খেলুৱৈ সকল হৈছে-চাব জুনিয়ৰ ছোৱালীৰ কৃতিমালা হাজৰিকাই ৪৩-৪৬ কেজি শাখাত সোণ পদক, পৰিস্মীতা বড়োই ৪৯-৫২ শাখাত ৰূপৰ পদক আৰু চাব জুনিয়ৰ ল’ৰা য়ামান বৰুৱাই ৫৫-৫৮ কেজি শাখাত সোণৰ পদক অৰ্জন কৰে।
একেদৰে ছোৱালীৰ যুৱ শাখাত ছোৱালীৰ প্ৰিয়াঙ্কী স্বৰ্গীয়াৰীয়ে ৪৫-৪৮ কেজি শাখাত সোণৰ পদক, অইকন মিলিয়ে ৫১-৫৪ কেজি শাখাত ৰূপৰ পদক, কল্পনা সিঙে ৫৪-৫৭ কেজি শাখাত ব্ৰঞ্জৰ পদক, আৰু ৰজন্ন্যা বেনাৰ্জীয়ে ৬০-৬৪ কেজি শাখাত ব্ৰঞ্জৰ পদক অৰ্জন কৰে।
উল্লেখ্য যে, চাব জুনিয়ৰত কৃতিমালা হাজৰিকাই শ্ৰেষ্ঠ বক্সাৰৰ সন্মান কঢ়িয়াই আনি গোলাঘাটলৈ গৌৰৱ কঢ়িয়াই আনিবলৈ সক্ষম হৈছে।
দলটিৰ প্ৰশিক্ষক হিচাবে নৱজ্যোতি কলিতা আৰু তত্বাৱধায়ক হিচাবে গোলাঘাট বক্সিং সংস্থাৰ সম্পাদক আন্জাৰ হুছেইনে অংশ গ্ৰহণ কৰে।