গুজৰাটৰ গৰ্বা নৃত্যই লাভ কৰিলে ইউনেস্ক’ৰ বিশেষ স্বীকৃতি

শেহতীয়াকৈ পশ্চিমবংগৰ দুৰ্গা পূজাই ইউনেস্ক’ৰ ‘বিশ্ব ঐতিহ্য ক্ষেত্ৰ’ৰ মৰ্যাদা লাভ কৰিছে। এইবাৰ দেশৰ আন এক আঞ্চলিক সংস্কৃতিয়ে লাভ কৰিলে এই খিতাপ। 

এইবাৰ ইউনেস্ক’ই গুজৰাটৰ পৰম্পৰাগত গৰ্বা নৃত্যক ঐতিহ্য হিচাপে স্বীকৃতি প্ৰদান কৰিছে। গুজৰাটৰ মুখ্যমন্ত্ৰী ভূপেন্দ্ৰ বাঘেলে বুধবাৰে ঘোষণা কৰে যে ৰাজ্যখনৰ এই পৰম্পৰাগত নৃত্যই ইউনেস্ক’ৰ স্বীকৃতি লাভ কৰিছে। 

ইউনেস্ক’ই গৰ্বা নৃত্যক অস্পষ্ট সাংস্কৃতিক ঐতিহ্য হিচাপে তালিকাভুক্ত কৰিছে। প্ৰধানমন্ত্ৰী নৰেন্দ্ৰ মোদীয়ে গুজৰাটৰ গৰ্বা নৃত্যক ইউনেস্ক’ৰ দ্বাৰা বিশেষ স্বীকৃতি লাভ কৰাৰ বাবে সকলোকে ধন্যবাদ আৰু অভিনন্দন জ্ঞাপন কৰে। 

এক্স হেণ্ডেলত তেওঁ লিখিছে, “গৰ্বা হৈছে জীৱন, ঐক্য আৰু আমাৰ মূল সংস্কৃতিৰ উদযাপন। অস্পষ্ট ঐতিহ্য তালিকাত অন্তৰ্ভুক্ত হোৱাৰ লগে লগে ভাৰতীয় সংস্কৃতিৰ সৌন্দৰ্য্য বিশ্ববাসীৰ আগত প্ৰদৰ্শিত হ’ব। এই সন্মানে আমাৰ ভৱিষ্যত প্ৰজন্মক আমাৰ ঐতিহ্য সংৰক্ষণ আৰু প্ৰচাৰৰ বাবে অনুপ্ৰাণিত কৰিছে। এই বিশ্বব্যাপী স্বীকৃতিৰ বাবে অভিনন্দন।”

গৰ্বা নৃত্য গুজৰাটী সংস্কৃতিৰ এক অবিচ্ছেদ্য অংগ। গতিকে গৰ্বা ঐতিহ্যৰ স্বীকৃতিত আপ্লুত হোৱা গুজৰাটৰ মুখ্যমন্ত্ৰী ভূপেন্দ্ৰ বাঘেলেও টুইট কৰি সকলোকে ধন্যবাদ জনায়। তদুপৰি ৰাজ্যজুৰি বিশেষ উৎসৱ উদযাপন কৰাৰ কথা ঘোষণা কৰিছে চৰকাৰে। 

ইতিমধ্যে গুজৰাটৰ ৰাইজে এই উৎসৱ উদযাপন কৰি আছে। সাধাৰণ মানুহৰ পৰা ৰাজনীতিবিদলৈকে ইজনে সিজনক মিঠাই খুৱাই আনন্দ উদযাপন কৰিছে।