ৰাষ্ট্ৰীয় সেৱা যোজনা বঁটাৰ বাবে নিৰ্বাচিত গুৱাহাটী বিশ্ববিদ্যালয়ৰ নিৰ্দেশক

গুৱাহাটী বিশ্ববিদ্যালয়ৰ ছাত্ৰ কল্যাণ বিভাগৰ নিৰ্দেশক তথা কাৰ্যক্ৰম সমন্বয়ক ডক্টৰ ৰঞ্জন কুমাৰ কাকতি ২০১৯-২০ বৰ্ষৰ ৰাষ্ট্ৰীয় সেৱা যোজনা বঁটাৰ বাবে নিৰ্বাচিত হৈছে।

তেওঁৰ নাম গুৱাহাটী বিশ্ববিদ্যালয়ৰ অন্তৰ্গত ৰাষ্ট্ৰীয় সেৱা যোজনা কাৰ্যক্ৰম বিষয়া আৰু ৰাষ্ট্ৰীয় সেৱা যোজনা স্বয়ংসেৱকৰ দ্বাৰা ৰাষ্ট্ৰীয় সেৱা যোজনা ২০১৯-২০ আৰু ২০২০-২১ বঁটাৰ বাবে প্ৰস্তাৱিত হৈছে।

ৰাজ্যৰ ক্ৰীড়া মন্ত্ৰী বিমল বৰাই টুইটাৰ যোগে ডক্টৰ কাকতিক অভিনন্দন জনাই ৰাজ্যৰ বাবে এইয়া এক গৌৰৱৰ কথা বুলি উল্লেখ কৰে।

টুইটাৰ যোগে তেওঁ কয়, “অসমৰ জনসাধাৰণৰ হৈ মই ডক্টৰ কাকতি,গুৱাহাটী বিশ্ববিদ্যালয় আৰু বিশ্ববিদ্যালয়ৰ অন্তৰ্গত অন্যান্য ৰাষ্ট্ৰীয় সেৱা যোজনাৰ শাখা সমূহক ৰাজ্যলৈ এনে গৌৰৱ কঢ়িয়াই অনাৰ বাবে অভিনন্দন জনাইছো।”