পহিলা বহাগৰ দিনটোত কান্ধত ঢোল লৈ আৰক্ষীৰ বিহু নৃত্য; চাওক ভিডিও

চাৰিওফালে ক’ৰ’নাৰ ত্ৰাসৰ মাজতে ৰঙালী বিহুৰ বতৰ বতৰত ৰাজ্যবাসীৰ মনত কম বেছি পৰিমাণে দেখিবলৈ পোৱা গৈছে বিহুৰ আনন্দ উল্লাস।

অসম আৰক্ষীও ব’হাগৰ বতৰত থমকি নৰ’ল, কান্ধত ঢোল লৈ বিহুগীত জুৰি নৃত্য কৰিলে আৰক্ষীয়ে।

গণেশগুৰিৰ উৰণীয়া সেতুৰ তলত কান্ধত ঢোল লৈ দিছপুৰ থানাৰ কৰ্তব্যৰত যান বাহন আৰক্ষীয়ে জুৰিলে বিহুগীত।

পহিলা ব’হাগৰ দিনটোত কান্ধত ঢোল লৈ এপাক নাচি অসমীয়া নৱবৰ্ষক আদৰণি জনোৱাৰ চেষ্টা কৰ্তব্যৰত যান বাহন আৰক্ষীৰ।

অৱশ্যে, এই আনন্দ উল্লাসৰ মাজতো সকলো জনসাধাৰণক ল’কডাউন মানি চলিবলৈ আহ্বান কৰ্তব্যৰত যানবাহন আৰক্ষী বিষয়া ইমৰান হুছেইনৰ।

ৰঙালী বিহুৰ বতৰত ঘৰতে থাকি বিহু উদযাপন কৰিবলৈ আৰক্ষী বিষয়াজনে আহ্বান জনায়।

আমাৰো প্ৰতিগৰাকী অসমবাসীলৈ আহ্বান ক’ৰ’ণা প্ৰতিৰোধৰ যুঁজৰ অংশীদাৰ হৈ সকলোৱে ঘৰতে থাকি উপভোগ কৰক ৰঙালীৰ আনন্দ।