হাজো আৰক্ষীৰ জালত বৈদ্যুতিক তাঁৰ চুৰি কৰি সন্ত্ৰাসৰ সৃষ্টি কৰি অহা ৭টাকৈ দুধৰ্ষ চোৰ
অৱশেষত আৰক্ষীৰ জালত পৰিছে উত্তৰ কামৰূপত চুৰি কাৰ্যৰে সন্ত্ৰাসৰ সৃষ্টি কৰা ৭টাকৈ দুধৰ্ষ গভাইড চোৰ।
বিগত কিছুদিনৰ পৰা হাজোৰ লগতে কমলপুৰৰ বিভিন্ন অঞ্চলৰ পৰা ধাৰাবাহিক ভাবে চুৰি হৈ আহিছিল পাৱাৰগ্ৰীডৰ বৈদ্যুতিক তাঁৰ।
এই চুৰি কাৰ্যৰ বিষয়ে বিদ্যুৎ বিভাগে হাজো আৰক্ষী থানাত দাখিল কৰিছিল এজাহাৰ। বিভাগটোৰ এই অভিযোগৰ ভিত্তিতে হাজো আৰক্ষীয়ে আটক কৰিবলৈ সক্ষম হৈছে এই ৭টাকৈ গভাইড বৈদ্যুতিক তাঁৰ চোৰক।
কামৰূপ জিলাৰ কমলপুৰৰ বোৰ্কাৰ পৰা চোৰকেইটাৰ লগতে বৃহৎ পৰিমাণৰ চুৰি বৈদ্যুতিক তাঁৰ জব্দ কৰিবলৈ সক্ষম হৈছে আৰক্ষীয়ে।
চুৰি হোৱা এই তাঁৰখিনিৰ মূল্য প্ৰায় ১৮লাখ টকা হ’ব বুলি জানিবলৈ দিছে হাজো বৈদ্যুতিক সংমণ্ডলৰ বিষয়াই।
আটকাধীন চোৰকেইটা ক্ৰমে পশ্চিম বংগৰ মালদাৰ লালনু ছেইখ আৰু কায়ম ছেইখ, নলবাৰীৰ মুকালমুৱাৰ বানেচ আলী, বাৰেক আলী, কানু ছেইখ, নয়ম আলী আৰু হাজোৰ হাবলাখাৰ ছাদেক আলী।