হৰমনপ্ৰীতৰ নেতৃত্বত ভাৰতৰ মহিলা টি-২০ বিশ্বকাপ দল ঘোষণা; ৰিজাৰ্ভ দলত অসমৰ উমা ছেত্ৰী

ভাৰতীয় ক্ৰিকেট ব’ৰ্ডে মহিলা টি-২০ বিশ্বকাপৰ দল ঘোষণা কৰিছে। ১৫ জনীয়া এটা দল সংযুক্ত আৰব আমিৰশ্বাহীলৈ যাব। এইবাৰ বিশ্বকাপ তাতেই অনুষ্ঠিত হ’ব। অধিনায়ক হৈছে হৰমনপ্ৰীত কৌৰ। অসমৰ উমা ছেত্ৰীয়ে ট্ৰেভেলিং ৰিজাৰ্ভ দলত স্থান পাইছে।

১৫ জনীয়া দলটোত আছে স্মৃতি মান্ধনা। তেওঁ সহ অধিনায়ক। অপেনিঙত তেওঁৰ সৈতে থাকিব শ্বেফালী ভাৰ্মা। ইয়াৰ উপৰিও দলটোত আছে দীপ্তি শৰ্মা, জেমিমা ৰড্ৰিগেজ, ৰিচা ঘোষ (উইকেটকীপাৰ), যস্তিকা ভাটিয়া (উইকেটকীপাৰ), পূজা বষ্ট্ৰকাৰ, অৰুন্ধতী ৰেড্ডী, ৰেনুকা সিং, দয়ালন হেমালতা, আশা সোভানা, ৰাধা যাদৱ, শ্ৰেয়ংকা পাটিল আৰু সজনা সাজীৱন।

কিন্তু যস্তিকা আৰু শ্ৰেয়ংকা সম্পূৰ্ণ সুস্থ নহয়। যদি তেওঁলোক আৰোগ্য লাভ কৰিব নোৱাৰে তেন্তে তেওঁলোকৰ পৰিৱৰ্ত হিচাপে খেলুৱৈ প্ৰেৰণ কৰা হ’ব। সংৰক্ষিত দলটোত আছে উমা ছেত্ৰী (উইকেটকীপাৰ), তনুজা কানৱাৰ আৰু ছাইমা ঠাকাৰ।

🚨 NEWS 🚨

Presenting #TeamIndia‘s squad for the ICC Women’s T20 World Cup 2024 🙌 #T20WorldCup pic.twitter.com/KetQXVsVLX

— BCCI Women (@BCCIWomen) August 27, 2024

৩ অক্টোবৰৰ পৰা আৰম্ভ হ’ব এই প্ৰতিযোগিতা। ২০ অক্টোবৰত ফাইনেল। গ্ৰুপ এ-ত আছে ভাৰত। সেই গ্ৰুপত অষ্ট্ৰেলিয়া, পাকিস্তান, শ্ৰীলংকা আৰু নিউজিলেণ্ড অন্তৰ্ভুক্ত। আনটো গ্ৰুপত আছে ইংলেণ্ড, বাংলাদেশ, দক্ষিণ আফ্ৰিকা, ৱেষ্ট ইণ্ডিজ আৰু স্কটলেণ্ড। প্ৰতিটো গ্ৰুপৰ পৰা দুটা দলে ছেমি ফাইনেলত প্ৰৱেশ কৰিব। ভাৰতৰ প্ৰথমখন খেল আছে নিউজিলেণ্ডৰ বিৰুদ্ধে।