‘হিন্দুত্ব এক ব্যাধি’ : ৩ শিশুক ‘জয় শ্ৰী ৰাম’ ক’বলৈ বাধ্য কৰাৰ পাছত ইলটিজা মুফটিৰ মন্তব্য

মধ্য প্ৰদেশৰ ভাইৰেল ভিডিঅ’ত তীব্ৰ প্ৰতিক্ৰিয়া প্ৰকাশ কৰে জম্মু-কাশ্মীৰৰ প্ৰাক্তন মুখ্যমন্ত্ৰী মেহবুবা মুফটিৰ কন্যা ইলটিজা মুফটিয়ে। য’ত তিনিজন নাবালকক প্ৰহাৰ কৰি “জয় শ্ৰী ৰাম” ধ্বনি দিবলৈ বাধ্য কৰোৱা দেখা গৈছিল। এক্স (পূৰ্বৰ টুইটাৰ)ত এই ভিডিঅ’টো শ্বেয়াৰ কৰি তেওঁ হিন্দুত্ববাদক সমালোচনা কৰি ইয়াক “এজন ভগৱানৰ নাম লেতেৰা কৰা” বুলি অভিহিত কৰে।

ৰাষ্ট্ৰীয় সংবাদ প্ৰতিষ্ঠান ইণ্ডিয়া টুডে টিভিৰ সৈতে হোৱা এক সাক্ষাৎকাৰত ইলটিজাই বুজাই দিয়ে যে তেওঁৰ এই টুইটটো আক্ৰমণৰ সাক্ষী হোৱাৰ পাছত তেওঁৰ ক্ষোভৰ সঁহাৰি। তেঁও কয়, “মুছলমানক মাৰপিট কৰি ৰামৰ নাম উচ্চাৰণ কৰিবলৈ বাধ্য হোৱাৰ সময়ত মই কিয় মৌন হৈ থাকিম?”

ইলটিজাই তেওঁৰ টুইটত “ৰাম ৰাজ্য”ক সমৰ্থন কৰা বুলি দাবী কৰা কিন্তু হিংসাত্মক কাৰ্যত লিপ্ত হোৱাসকলৰ ভণ্ডামিৰ কথা আঙুলিয়াই দিয়ে।  

ইলটিজাই এই ঘটনাক উগ্ৰপন্থীয়ে হিংসাক ন্যায্যতা প্ৰদান কৰিবলৈ ইছলামৰ নামৰ অপব্যৱহাৰৰ সৈতে আৰু তুলনা কৰে। ইলটিজাই হিন্দুত্ববাদক হিন্দু ধৰ্মক কলংকিত কৰা একেধৰণৰ উগ্ৰবাদ বুলি অভিহিত কৰে, ঠিক যেনেকৈ উগ্ৰপন্থী সংগঠনে ইছলামক বিকৃত কৰিছে। তেওঁ যুক্তি দিছিল যে হিন্দুত্ব এক বিপজ্জনক শক্তিত পৰিণত হৈছে, যাৰ ফলত লাখ লাখ ভাৰতীয়ক প্ৰভাৱিত হৈছে।