“জোতা খুলি মাৰিম”- বিজেপিৰ মহিলা বিধায়কৰ ৰাজহুৱাভাৱে চৰকাৰী বিষয়াক ভাবুকি

ৰাজপথৰ মাজত থিয় হৈ চৰকাৰী বিষয়াক উদ্দেশ্যি মহিলা বিধায়িকাৰ ভাবুকি- “আপুনি যদি ক্ষমা নোখোজে, মই মোৰ জোতা খুলি মাৰিম..!”

স্থানীয় গৃহ উন্নয়ন নিগমৰ শ্ৰমিকসকলে মঙলবাৰে বুলণ্ডশ্বহৰৰ খুৰ্জাত জেচিবিৰ সৈতে এটা মন্দিৰ ভাঙি পেলায়। লগে লগে এই ভৱন ভাঙি যোৱাৰ আশে-পাশে অঞ্চলটোত উত্তেজনা আৰম্ভ হ’ল। এই খবৰ পোৱাৰ পিছতে বিজেপিৰ বিধায়ক মীনাক্ষী সিঙে ঘটনাস্থলীত উপস্থিত হয়। ইয়াৰ পিছতে স্থানীয় ৰাইজৰ সন্মুখত গৃহ নিৰ্মাণৰ বিষয়ববীয়াৰ লগত কাজিয়াত লিপ্ত হয়।

মঙলবাৰে নিশাৰ পৰা ছ’চিয়েল মিডিয়াত প্ৰচাৰিত হৈছে এই ঘটনাৰ ভিডিঅ’। ছ’চিয়েল মিডিয়া ব্যৱহাৰকাৰীসকলেও সেইটোত যোগদান কৰিছে। ভিডিঅ’টোত দেখা গৈছে যে মহিলা বিধায়িকাগৰাকীয়ে ৰাস্তাৰ মাজত এজন বিষয়াক চিঞৰিছে ৷

৬ আগষ্টৰ পুৱা গৃহ নিৰ্মাণ নিগমৰ একাংশ শ্ৰমিকে খুৰজাত অবৈধ নিৰ্মাণৰ কাম ভাঙিবলৈ গৈছিল। স্থানীয় মন্দিৰৰ সন্মুখৰ বাৰাণ্ডাও বুলডজাৰেৰে ভাঙি পেলোৱা হয়। শ্ৰমিকৰ আশে-পাশে স্থানীয় ৰাইজে প্ৰতিবাদ সাব্যস্ত কৰিবলৈ আৰম্ভ কৰে। পিছত যেতিয়া মহকুমাধিপতিয়ে মন্দিৰ ভাঙি পেলোৱাৰ গোচৰত দোষীক শাস্তি দিয়াৰ প্ৰতিশ্ৰুতি দিবলৈ বাধ্য হ’ল, তেতিয়াহে তেওঁলোক ক্ষান্ত হয়৷

কিন্তু এয়া শেষ নহয়! মীনাক্ষীৰ এই ভিডিঅ’ ছচিয়েল মিডিয়াত দ্ৰুতগতিত বিয়পি পৰে। দৰ্শকৰ পৰা মিশ্ৰিত সঁহাৰি লাভ কৰিছিল। কোনোবাই মীনাক্ষীক প্ৰশংসা কৰিছে, কোনোবাই তেওঁৰ আচৰণত ক্ষোভ প্ৰকাশ কৰিছে! মহকুমাধিপতি দুৰ্গেশ সিঙে সংবাদ মাধ্যমৰ আগত কয় যে কোনো প্ৰতিমূৰ্তি ভাঙি যোৱা নাই, কেৱল মঞ্চ ভাঙিছে। এতিয়াৰ বাবে ভিৰ শান্ত হৈছে। দোষী সাব্যস্ত হোৱা ব্যক্তিৰ বিৰুদ্ধে ব্যৱস্থা গ্ৰহণ কৰা হ’ব।