কলিয়াবৰত অবৈধ ভাৱে গৰু সৰবৰাহ কৰা টাটা ডি আইসহ এজনক আটক

ৰাজ্যত অব্যাহত আছে গোধনৰ অবৈধ সৰবৰাহ।

প্ৰতিদিনে ৰাজ্যৰ বিভিন্ন প্ৰান্তত আৰক্ষীয়ে চোৰাং গৰু উদ্ধাৰ কৰিবলৈ সক্ষম হৈছে যদিও দিনক দিনে বৃদ্ধি পায়েই আছে গো-সৰবৰাহৰ ঘটনা।

কলিয়াবৰৰ বাগৰিত অবৈধ ভাৱে গৰু সৰবৰাহ কৰা এখন টাটা ডি আই জব্দ কৰিবলৈ সক্ষম হৈছে আৰক্ষীয়ে। জব্দকৃত গাড়ীখনৰ পৰা পৰা উদ্ধাৰ কৰা হৈছে ৯ টাকৈ গৰু।

আৰক্ষীয়ে অবৈধ ভাৱে গোধন সৰবৰাহত জড়িত এজনক আটক কৰিছে। বোকাখাতৰ পৰা আমবাগানলৈ কোনো নথি-পত্ৰ অবিহনেই গৰু কেইটা সৰবৰাহ কৰা হৈছিল।

বাগৰিৰ আৰক্ষীয়ে জব্দ কৰে গৰু ভৰ্তি এ এছ ০৫ এ চি ১৬০৫ নম্বৰৰ গাড়ীখন।

বাগৰি আৰক্ষীয়ে গৰু সৰবৰাহত জড়িত জখলাবন্ধা হাৰমতিৰ আছাদ আলিক আটক কৰিছে ।

জব্দকৃত গৰু সমূহ ইতিমধ্যে গো-শালালৈ প্ৰেৰণ কৰিছে বুলি আৰক্ষীয়ে প্ৰকাশ কৰিছে।