‘মন কি বাত’ নহয়, ‘জান কি বাত’ৰ প্ৰয়োজন : প্ৰধানমন্ত্ৰীক কটাক্ষ ৰাহুল গান্ধীৰ

প্ৰতি মাহৰ অন্তিমটো দেওবাৰে প্ৰধানমন্ত্ৰী নৰেন্দ্ৰ মোডীয়ে নিজৰ অনুভৱ ব্যক্ত কৰি অহা ‘মন কি বাত’ অনুষ্ঠানক কটাক্ষ কৰিছে কংগ্ৰেছ নেতা ৰাহুল গান্ধীয়ে।

কাৰো নাম উল্লেখ নকৰাকৈ গান্ধীয়ে এটা টুইটত লিখে- ”চিষ্টেমটো ব্যৰ্থ হৈছে। সেয়ে এতিয়া ‘জান কি বাত’ কৰা প্ৰয়োজন।”

হিন্দী আৰু ইংৰাজী, দুয়োটা ভাষাতে পৃথককৈ প’ষ্ট কৰা টুইটটোত তেওঁ ক’ভিড পৰিস্থিতিক কেন্দ্ৰ কৰি লিখে যে এই সংকটৰ সময়ছোৱাত দেশক দায়িত্বৱান নাগৰিকসকলক প্ৰয়োজন।

”মই আমাৰ কংগ্ৰেছৰ সকলো সহকৰ্মীক অনুৰোধ কৰিছো যে আপোনালোকে যাৱতীয় ৰাজনৈতিক কাম কাজসমূহ এৰি কেৱল আমাৰ দেশৰ নাগৰিকসকলক সহায় কৰক আৰু তেওঁলোকৰ যন্ত্ৰণা দূৰ কৰিবলৈ সহযোগ আগবঢ়াওক।”

‘System’ failed, so it’s important to do Jan ki baat:

In this crisis, the country needs responsible citizens. I request my Congress colleagues to leave all political work- just provide all help and ease the pain of our countrymen.

This is the Dharma of the Congress family.

— Rahul Gandhi (@RahulGandhi) April 25, 2021

তেওঁ কয় যে এয়াই হৈছে কংগ্ৰেছ পৰিবাৰৰ ধৰ্ম।

উল্লেখয্য যে এইবাৰৰ ‘মন কি বাত’ অনুষ্ঠানত প্ৰধানমন্ত্ৰীয়ে দেশবাসীক আতংকিত নহ’বলৈ পৰামৰ্শ প্ৰদান কৰিছে।

আতংকিত নহৈ সচেতনভাৱে থাকিবলৈ দেশবাসীক তেওঁ অনুৰোধ জনাইছে।

বিনামূলিয়া টিকাকৰণৰো প্ৰতিশ্ৰুতিও প্ৰদান কৰা হৈছে ‘মন কি বাত’ত।