২০২২ ফিফা বিশ্বকাপ কোৱালিফায়াৰ : ভাৰত-আফগানিস্তানৰ খেল ড্ৰ

ভাৰত আৰু আফগানিস্তানৰ মাজত বৃহস্পতিবাৰে অনুষ্ঠিত হোৱা ২০২২ ফিফা বিশ্বকাপ কোৱালিফায়াৰ খেলখন ১-১ গ’লত ড্ৰ ৰূপে সামৰণি পৰে।

নিৰপেক্ষ ভ্যেনু তাজিকিস্তানত অনুষ্ঠিত হোৱা উত্তেজনাপূৰ্ণ খেলখনৰ প্ৰথমাৰ্দ্ধতে আফগানিস্তানে জেলফী নাজাৰীৰ দৰ্শনীয় গ’লৰ সহায়ত ১-০ৰ অগ্ৰগতি লাভ কৰে।

ভাৰতে দ্বিতীয়াৰ্ধত খেলৰ চোক বৃদ্ধি কৰে যদিও গ’ল পৰিষোধ কৰিবলৈ সক্ষম হোৱা নাছিল। ইনজুৰী টাইমত ছেইমিনলেন ডংগেলৰ গ’লৰ সহায়ত ভাৰতে  ১-১ গ’লত সমতা স্থাপন কৰিবলৈ সক্ষম হয়।

উল্লেখযোগ্য যে, ভাৰতে ইয়াৰ পূৰ্বে বাংলাদেশৰ বিৰুদ্ধে খেলা ফিফা বিশ্বকাপ কোৱালিফায়াৰতো কোনোমতে ড্ৰ খেলি পৰাজয়ৰ পৰা হাত সাৰিবলৈ সক্ষম হৈছিল।

ভাৰতে বৰ্তমানলৈ খেলা ফিফা বিশ্বকাপ কোৱালিফায়াৰৰ চাৰিখন খেলৰ এখন পৰাজয় বৰণ কৰাৰ লগতে তিনিখন খেল ড্ৰ ৰূপে সামৰণি পৰে।