অৱশেষত ভাৰতে আনিবলৈ ওলাইছে ওজন কমোৱাৰ ঔষধ টিৰ্জেপেটাইড

চেন্ট্ৰেল ড্ৰাগ ষ্টেণ্ডাৰ্ড কন্ট্ৰোল অৰ্গেনাইজেশ্যনে (CDSCO) ফাৰ্মাচিউটিকেল জায়ান্ট এলি লিলিৰ টিৰ্জেপেটাইড ব্যৱহাৰৰ নিৰ্দেশ দিছে। টিৰ্জেপেটাইড হৈছে এলি লিলি কোম্পানী (ইণ্ডিয়া হেল্থ)ৰ দ্বাৰা প্ৰস্তুত কৰা এটা ঔষধ, যিটো মূলতঃ টাইপ ২ ডায়েবেটিছৰ চিকিৎসাত ব্যৱহাৰ কৰা হয়।

এই যৌগটো ডায়েবেটিছৰ বাবে মৌঞ্জাৰো (Mounjaro) আৰু ওজন হ্ৰাসৰ বাবে জেপবাউণ্ড (Zepbound) ব্ৰেণ্ড নামেৰে বজাৰত বিক্ৰী কৰা হয়। অৱশ্যে ভাৰতত টিৰ্জেপেপটাইড ওজন হ্ৰাসৰ বাবে নহয়, ডায়েবেটিছৰ বাবে আমদানি কৰা হ’ব।

ই কেনেকৈ কাম কৰে?

টিৰ্জেপেটাইডে খাদ্যৰ প্ৰতিক্ৰিয়া হিচাপে অগ্নাশয়ৰ পৰা ইনচুলিন নিৰ্গত হোৱাত সহায় কৰে। খাদ্য খোৱাৰ পিছত তেজত শৰ্কৰাৰ মাত্ৰা হ্ৰাস কৰাত সহায় কৰে। ই গ্লুকাগনৰ নিঃসৰণ হ্ৰাস কৰে। গ্লুকাগনৰ মাত্ৰা কম হ’লে লিভাৰে গ্লুক’জ উৎপাদন হ্ৰাস কৰাত সহায় কৰে। তেজত গ্লুক’জৰ প্ৰৱেশৰ হাৰ হ্ৰাস কৰিব পাৰে, যিয়ে তেজৰ চেনিৰ বৃদ্ধি নিয়ন্ত্ৰণ কৰাত সহায় কৰে। টিৰ্জেপেটাইডে খাদ্য গ্ৰহণ হ্ৰাস কৰাত সহায় কৰে, যিয়ে ওজন কমোৱাত ভূমিকা পালন কৰে।

কিবা পাৰ্শ্বক্ৰিয়া আছেনে?

টাইপ ২ ডায়েবেটিছ নিয়ন্ত্ৰণত টিৰ্জেপেটাইড ফলপ্ৰসূ যদিও ইয়াৰ পাৰ্শ্বক্ৰিয়া হ’ব পাৰে। টাইপ ১ ডায়েবেটিছ ৰোগীৰ ক্ষেত্ৰত Mounjaro ৰ ব্যৱহাৰ নহয়। সাধাৰণ পাৰ্শ্বক্ৰিয়াসমূহ হ’ল বমি, ডায়েৰিয়া, ভোক কমি যোৱা, কোষ্ঠকাঠিন্য, বদহজম, পেটৰ (পেট) বিষ। ইয়াৰ উপৰিও গুৰুতৰ পাৰ্শ্বক্ৰিয়া যেনে অগ্নাশয়ৰ পেনক্ৰিয়াটাইটিছ হ’ব পাৰে।

সতৰ্কবাণী:

মৌঞ্জাৰো (টিৰ্জেপেটাইড) ব্যৱহাৰ কৰাৰ পূৰ্বে কোম্পানীয়ে কিছু সতৰ্কবাণী জাৰি কৰিছে। প্ৰথমবাৰৰ বাবে Mounjaro লোৱাৰ পূৰ্বে ডাক্তৰক দেখুৱাব লাগে। তাৰ পিছত ডাক্তৰৰ লগত কথা পাতিব লাগে ই কেনেকৈ ব্লাড চুগাৰ মেনেজ কৰে। Mounjaro ব্যৱহাৰ কৰাৰ সময়ত জন্ম নিয়ন্ত্ৰণৰ বড়িয়ে কাম নকৰিব পাৰে। কিন্তু বছৰৰ আৰম্ভণিতে এলি লিলিৰ চিইঅ’ ডেভিদ ৰিক্সে ৰয়টাৰক জনাইছে যে ২০২৫ চনৰ আৰম্ভণিতে Mounjaro ভাৰতত মুকলি হোৱাৰ সম্ভাৱনা আছে।