দেশত কোভিডৰ দ্ৰুত সংক্ৰমণত প্ৰধানমন্ত্ৰীৰ উদ্বেগ, সতৰ্কতাৰে মোকাবিলাৰ আহ্বান
দেশত দ্ৰুত গতিত বৃদ্ধি পাইছে কোভিডৰ সংক্ৰমণ।
অমিক্ৰনত আক্ৰান্ত লোকৰ সংখ্যাও বৃদ্ধি পাইছে। এনে পৰিস্থিতিকলৈ উদ্বেগ প্ৰকাশ কৰিছে প্ৰধানমন্ত্ৰী নৰেন্দ্ৰ মোদীয়ে ।
শনিবাৰে মোদীয়ে সম্পূৰ্ণ ‘সাৱধানতা আৰু সতৰ্কতাৰে’ কোভিড মহামাৰীৰ বিৰুদ্ধে যুঁজ দিবলৈ দেশবাসীক আহ্বান জনায়।
যোৱা কেইদিনমানৰ পৰা দৈনিক কৰোনা ভাইৰাছৰ সংক্ৰমণ উদ্বেগজনক ভাবে বৃদ্ধি পাইছে।
যি কথাই তৃতীয় ঢৌৰ আশংকা কঢ়িয়াই আনিছে।
প্ৰধানমন্ত্ৰীয়ে আজি কিষাণ সন্মান নিধি (পিএম-কিষাণ) আঁচনিৰ অধীনত দশম কিস্তি মুকলি কৰাৰ এক ভাৰ্চুৱেল অনুষ্ঠানত ভাষণ প্ৰদান কৰি এতিয়ালৈকে ১৪৫ কোটিতকৈও অধিক কোভিড ভেকছিনৰ পালি প্ৰদান কৰাত ভাৰতৰ সফল হৈছে বুলি মন্তব্য কৰে।
তেওঁ লগতে কয় যে “কৰোনাই ভাৰতৰ গতি ৰুদ্ধ কৰিব নোৱাৰে”। ভাৰতে সম্পূৰ্ণ সাৱধানতা আৰু সতৰ্কতাৰে কোভিড মহামাৰীৰ বিৰুদ্ধে যুঁজ দিব ” ।
প্ৰধানমন্ত্ৰীয়ে ২০২১ চনত স্বাস্থ্য, প্ৰতিৰক্ষা আৰু কৃষিকে ধৰি বিভিন্ন ক্ষেত্ৰত দেশখনে লাভ কৰা সাফল্যৰ বিষয়ে আলোকপাত কৰে।
তেওঁ কয় যে মহামাৰীৰ সময়ত কেন্দ্ৰীয় চৰকাৰে ৮০ কোটিৰো অধিক হিতাধিকাৰীক বিনামূলীয়াকৈ অতিৰিক্ত খাদ্যশস্য প্ৰদান কৰিছে, ইয়াৰ ফলত প্ৰায় ২.৬ লাখ কোটি টকা ব্যয় হৈছে।