বাংলাদেশৰ সৈতে স্থলপথেৰে বাণিজ্য ৰোধ, মহম্মদ ইউনুছ চৰকাৰৰ ওপৰত ভাৰতৰ নিষেধাজ্ঞা

ভাৰত বিৰোধী বাক্যবাণ উত্থাপন কৰাৰ বাবে মোদী চৰকাৰে বাংলাদেশৰ ইউনুছ চৰকাৰৰ ওপৰত নিষেধাজ্ঞা আৰোপ কৰিছে। শনিবাৰে জাৰি কৰা এক অধিসূচনাযোগে কেন্দ্ৰই ঘোষণা কৰে যে বস্ত্ৰ-খাদ্যকে ধৰি বহু বাংলাদেশী সামগ্ৰী আৰু স্থলবন্দৰেৰে ভাৰতত প্ৰৱেশ নকৰে। কেন্দ্ৰৰ এই সিদ্ধান্তই ভাৰতলৈ বাংলাদেশৰ ৰপ্তানিৰ ক্ষেত্ৰত এক বৃহৎ আঘাতৰ সৃষ্টি কৰিব বুলি ধাৰণা কৰা হৈছে। কাৰণ ৯৩ শতাংশ বাংলাদেশী সামগ্ৰী স্থলবন্দৰেৰে ভাৰতত প্ৰৱেশ কৰে। অৱশ্যে সাগৰীয় বন্দৰৰ জৰিয়তে সামগ্ৰী ৰপ্তানি কৰাত কোনো বাধা নাই বুলি জানিব পৰা গৈছে।

শনিবাৰে কেন্দ্ৰীয় বাণিজ্য আৰু উদ্যোগ মন্ত্ৰালয়ৰ অধীনস্থ বৈদেশিক বাণিজ্য বিভাগে এক অধিসূচনা জাৰি কৰি কয় যে বাংলাদেশৰ পৰা স্থলপথেৰে প্ৰচেছড খাদ্য সামগ্ৰী, কপাহ, কপাহী কাপোৰ, প্লাষ্টিক আৰু পিভিচিৰে নিৰ্মিত সামগ্ৰী, ৰং আদি সামগ্ৰী আদি সামগ্ৰী দেশত প্ৰৱেশ কৰিবলৈ দিয়া নহ’ব। বাংলাদেশৰ সৈতে সীমান্ত থকা পশ্চিম বংগৰ চাংৰাবন্ধা আৰু ফুলবাৰীৰ শুল্ক চকী যেনে অসম, মিজোৰাম, মেঘালয়, ত্ৰিপুৰা আৰু পশ্চিম বংগৰ শুল্ক চকীসমূহৰ জৰিয়তে এই সামগ্ৰীসমূহ প্ৰৱেশ কৰিবলৈ দিয়া নহ’ব বুলি স্পষ্টকৈ উল্লেখ কৰা হৈছে। কিন্তু বাংলাদেশৰ পৰা অহা মাছ, এল পি জি, আৰু খাব পৰা তেলত কোনো নিষেধাজ্ঞা আৰোপ কৰা হোৱা নাই।

উল্লেখ্য যে, ভাৰত চৰকাৰে কোনো তৃতীয় দেশলৈ সামগ্ৰী ৰপ্তানিৰ বাবে ‘ট্ৰেন্সশ্বিপমেণ্ট’ৰ সুবিধা বন্ধ কৰি দিছিল। ইয়াৰ ফলত ভাৰতীয় ৰপ্তানিকাৰক কোম্পানীসমূহৰ বাবে অসুবিধাৰ সৃষ্টি হোৱা বুলি কেন্দ্ৰই অৱগত কৰে। কিন্তু সেই ক্ষেত্ৰত ভাৰত চৰকাৰে নেপাল আৰু ভূটানলৈ বাংলাদেশী সামগ্ৰী প্ৰেৰণৰ বাবে ৰেহাই দিছিল। এই সিদ্ধান্তৰ পাছতে বাংলাদেশে ভাৰতৰ পৰা স্থলপথেৰে সূতা আমদানি বন্ধ কৰাৰ কথা ঘোষণা কৰে। এই সামগ্ৰী ভাৰতলৈ পঠিয়াবলৈ হ’লে ইয়াক সাগৰীয় পথেৰে পঠিয়াব লাগিব। ইয়াৰ বিনিময়ত ভাৰতে বাংলাদেশক শিক্ষা দিছে