IPL 2022: ১২ আৰু ১৩ ফেব্ৰুৱাৰীত অনুষ্ঠিত হ’ব খেলুৱৈৰ নিলাম
ইণ্ডিয়ান প্ৰিমিয়াৰ লীগ ২০২২ ৰ মূল নিলাম ১২ আৰু ১৩ ফেব্ৰুৱাৰীত বেংগালুৰুত অনুষ্ঠিত হ’ব। আজি ভাৰতীয় ক্ৰিকেট নিয়ন্ত্ৰণ ব’ৰ্ডে এই ঘোষণা কৰে।
দুদিনীয়া মেগা নিলামৰ সময়ত ৫৯০ জন ক্ৰিকেটাৰৰ নিলামৰ বাবে দহটা ফ্ৰেঞ্চাইজিৰ মাজত হ’ব অৰ্থৰ যুঁজ ।
উল্লেখ্য যে এইবাৰ আই পি এলৰ ১৫ তম ছিজন হ’ব। বিশ্ব ক্ৰিকেটৰ কেইবাগৰাকীও তাৰকা ক্ৰিকেটাৰৰ নাম ইতিমধ্যে মেগা নিলামৰ তালিকাত ৰখা হৈছে।
নিলামৰ বাবে পঞ্জীয়ন কৰা ৫৯০ জন খেলুৱৈৰ ভিতৰত, ২২৮ জন আন্তঃৰাষ্ট্ৰীয় পৰ্যায়ত অভিষেক ঘটোৱা খেলুৱৈ। আনহাতে ৩৫৫ জন আনকেপড খেলুৱৈ আৰু ৭ জন সহযোগী ৰাষ্ট্ৰৰ খেলুৱৈৰ নাম নিলাম তালিকাত অন্তৰ্ভুক্ত হৈছে।
🚨 NEWS 🚨: IPL 2022 Player Auction list announced
The Player Auction list is out with a total of 590 cricketers set to go under the hammer during the two-day mega auction which will take place in Bengaluru on February 12 and 13, 2022.
More Details 🔽https://t.co/z09GQJoJhW pic.twitter.com/02Miv7fdDJ
— IndianPremierLeague (@IPL) February 1, 2022
মুঠ ৩৭০ জন ভাৰতীয় খেলুৱৈ আৰু ২২০ জন বিদেশী খেলুৱৈয়ে নিলামত অংশ ল’ব।
বিদেশী খেলুৱৈৰ ভিতৰত অষ্ট্ৰেলিয়াৰ পৰা সৰ্বাধিক ৪৭ জন খেলুৱৈ থাকিব। আনহাতে ৱেষ্ট ইণ্ডিজৰ ৩৪ জন আৰু দক্ষিণ আফ্ৰিকাৰ ৩৩ জন খেলুৱৈৰ নাম নিলামত অন্তৰ্ভূক্ত কৰা হৈছে।