উৎকট গৰমৰ প্ৰতি লক্ষ্য ৰাখি সকলো বিদ্যালয়লৈ বিশেষ নিৰ্দেশনা জাৰি, কোনখন জিলাত এই নিয়ম বান্ধি দিলে প্ৰশাসনে?
হঠাৎ বৃদ্ধি পোৱা উষ্ণতাৰ ফলত সৃষ্টি হোৱা পৰিস্থিতিৰ প্ৰতি লক্ষ্য ৰাখি যোৰহাট জিলাৰ সকলো চৰকাৰী, প্ৰাদেশিকৃত, ব্যক্তিগত খণ্ডৰ শিক্ষানুষ্ঠানলৈ বিশেষ নিৰ্দেশনা জাৰি কৰিছে জিলাখনৰ বিদ্যালয়সমূহৰ পৰিদৰ্শকে।
গ্ৰীষ্ম প্ৰৱাহৰ ফলত উষ্ণতা বৃদ্ধিৰ প্ৰতি লক্ষ্য ৰাখি যোৰহাট জিলাৰ বিদ্যালয়সমূহৰ কৰ্তৃপক্ষলৈ বহুকেইটা নিৰ্দেশনা জাৰি কৰিছে যোৰহাটৰ বিদ্যালয়সমূহৰ পৰিদৰ্শক বুলি গগৈ ভূঞাই।
১) ৰাতিপুৱাৰ সভা : বিদ্যালয়ৰ ৰাতিপুৱাৰ সভা হয় ছাঁ থকা ঠাইত নহয় প্ৰেক্ষাগৃহ বা শ্ৰেণীকোঠাত অনুষ্ঠিত কৰিব লাগিব।
২) বহাৰ ব্যৱস্থা : ভিৰ নহ’বৰ বাবে শ্ৰেণীকোঠাত তিনিজনতকৈ অধিক ছাত্ৰ-ছাত্ৰীক এখন বেঞ্চত বহিবলৈ দিব নালাগে।
৩) খোৱাপানী : বিদ্যালয় প্ৰশাসনে প্ৰতিটো শ্ৰেণীকোঠাৰ সন্মুখত বিশুদ্ধ আৰু নিৰাপদ খোৱাপানীৰ ব্যৱস্থা নিশ্চিত কৰিব লাগিব। সকলো ছাত্ৰ-ছাত্ৰীকে নিয়মীয়াকৈ পানী খোৱাৰ বাবে উৎসাহিত কৰিব লাগিব।
৪) বৈদ্যুতিক ফেন : সকলো শ্ৰেণীকোঠাৰ বৈদ্যুতিক ফেন কাৰ্যক্ষম হ’ব লাগিব আৰু অকাৰ্যকৰী ফেন মেৰামতি বা সলনি কৰাৰ বাবে তাৎক্ষণিক পদক্ষেপ গ্ৰহণ কৰিব লাগিব।
৫) ইউনিফৰ্ম : ছাত্ৰ-ছাত্ৰীসকলে বিদ্যালয়ৰ ইউনিফৰ্মত ব্লেজাৰ, কোট বা টাই পিন্ধিব নালাগে। ছাত্ৰ-ছাত্ৰীসকলে জোতা পিন্ধি অস্বস্তি অনুভৱ কৰিলে তেওঁলোকক চেণ্ডেল পিন্ধিবলৈ দিব লাগে।
৬) মেডিকেল প্ৰট’কল : যদি কোনো ছাত্ৰ-ছাত্ৰীয়ে উষ্ণতা বৃদ্ধিৰ বাবে অস্বস্তি অনুভৱ কৰে বা অস্বস্তিৰ লক্ষণ দেখা দিয়ে তেন্তে তেওঁলোকৰ অভিভাৱকক তৎক্ষণাত অৱগত কৰিব লাগে আৰু ওচৰৰ চিকিৎসালয়ৰ পৰা সহায়ৰ বাবে তৎকালীন ব্যৱস্থা কৰিব লাগে।
৭) বাহিৰৰ কাম-কাজৰ ওপৰত নিষেধাজ্ঞা : অত্যন্ত গৰমৰ এই সময়ছোৱাত ছাত্ৰ-ছাত্ৰীৰ বাবে বাহিৰৰ সকলো কাম কঠোৰভাৱে পৰিহাৰ কৰিবলৈ নিৰ্দেশ দিয়া হৈছে।
৮) ৰাজপথৰ বিক্ৰেতালৈ নিষেধাজ্ঞা : বিদ্যালয় চৌহদৰ ওচৰত কোনো ৰাজপথৰ বিক্ৰেতাক সামগ্ৰী বিক্ৰী কৰিবলৈ অনুমতি দিয়া নহ’ব আৰু বিৰতিৰ সময়ত ছাত্ৰ-ছাত্ৰীসকল বিদ্যালয় চৌহদৰ পৰা ওলাই যাব নোৱাৰিব ।