বন্ধুত্বৰ নিদৰ্শন! ক’ভিডত আক্ৰান্ত বন্ধুক অক্সিজেন যোগান ধৰিবলৈ ২৪ ঘণ্টাত হাজাৰ কিলোমিটাৰ অতিক্ৰম কৰিলে এজন লোকে, ক’ত?
বন্ধুত্বৰ এক বিৰল নিদৰ্শন দাঙি ধৰিলে ঝাৰখণ্ডৰ এজন লোকে।
দেৱেন্দ্ৰ কুমাৰ শৰ্মা নামৰ ৰাঁচীনিবাসী লোকজনৰ এজন বন্ধু ক’ভিড পজিটিভ হয়।
ৰাজন নামৰ বন্ধুজনে উত্তৰ প্ৰদেশৰ গাজিয়াবাদত বাস কৰে।
ৰাষ্ট্ৰীয় সংবাদমাধ্যমত প্ৰকাশ পোৱা বাতৰি অনুযায়ী ২৪ এপ্ৰিল তাৰিখে দেৱেন্দ্ৰই তেওঁৰ এজন বন্ধু সঞ্জয় সাক্সেনাৰ পৰা এটা জৰুৰী ফোনকল পায়।
ফোনকলটোত সাক্সেনাই জনায় যে তেওঁলোকৰ বন্ধু ৰাজন ক’ভিড পজিটিভ হৈছে আৰু অতিশীঘ্ৰে অক্সিজেন যোগান ধৰাৰ প্ৰয়োজন।
২৪ ঘণ্টাৰ ভিতৰত অক্সিজেন লাভ নকৰিলে বন্ধুজনে অকাল মৃত্যুক সাৱটি ল’ব বুলি সাক্সেনাই কয়।
তদুপৰি ৰাজনৰ বন্ধুবৰ্গ আৰু পৰিয়ালেও পৰ্যাপ্ত পৰিমাণৰ অক্সিজেন যোগান ধৰিব পৰা নাই।
ফোন কলটোৰ পাছতে দেৱেন্দ্ৰই বাইকেৰে ৰাতি ৰাঁচীৰ পৰা বকাৰো (Bokaro) নামৰ ঠাইখনলৈ যাত্ৰা কৰে।
ৰাঁচীৰ পৰা ১৫০ কিলোমিটাৰ নিলগৰ বকাৰোতে ৰাজন আৰু তেওঁ একেলগে ডাঙৰ দীঘল হৈছলি।
বকাৰোত অক্সিজেন চিলিণ্ডাৰ বিচাৰি হাবাথুৰি খায় দেৱেন্দ্ৰ।
অশেষ বিচাৰ খোচাৰ কৰাৰ অন্তত ‘ঝাৰখণ্ড গেছ প্লেণ্ট’ৰ স্বত্বাধিকাৰ ৰাকেশ কুমাৰ গুপ্তাৰ স’ত যোগাযোগ কৰ।
গুপ্তাই দেৱেন্দ্ৰৰ বন্ধুজনৰ কথা জানিব পাৰি বিনামূলীয়াকৈয়ে অক্সিজেন চিলিণ্ডাৰসমূহ যোগান ধৰে।
অক্সিজেন চিলিণ্ডাৰসমূহ পোৱাৰ পাছতো দেৱেন্দ্ৰৰ সমুখত পৰি ৰ’ল ১,৩০০ কিলোমিটাৰ বাট।
বন্ধুজনে বাস কৰা গাজিয়াবাদলৈ হাজাৰ কিলোমিটাৰ বাট তেওঁ ২৪ ঘণ্টাৰ ভিতৰতে অতিক্ৰম কৰিব লাগিব!
কঠিন প্ৰত্যাহ্বানৰ স’তে মোকাবিলা কৰিবলৈ তেওঁ এজন চিনাকি লোকৰ পৰা এখন কাৰ (car) খোজে।
কাৰখনেৰে তেওঁ বিহাৰৰ বৈশালী নামৰ ঠাইখনলৈ ২৫ এপ্ৰিল তাৰিখে যাত্ৰা কৰে।
২৪ ঘণ্টাৰ ভিতৰত তেওঁ বৈশালী পায়।
সমগ্ৰ যাত্ৰাটোত তেওঁক আৰক্ষীৰ নিৰীক্ষণ চকীসমূহত অক্সিজেন চিলিণ্ডাৰসমূহৰ বিষয়ে প্ৰশ্ন কৰা হয়।
দেৱেন্দ্ৰই সকলো কথা বিৱৰি কয়।
যথাসময়ত দেৱেন্দ্ৰই তেওঁৰ প্ৰিয় বন্ধু ৰাজনৰ কাষত উপস্থিতি হয় আৰু অক্সিজেন লাভ কৰে।
বৰ্তমান ৰাজন সুস্থ হৈ উঠিছে।
You may also like
কংগ্ৰেছৰ বাবেই শক্তিশালী হৈ পৰিছে মোদী, মমতাৰ তাৎপৰ্যপূৰ্ণ মন্তব্যক লৈ চলিছে চৰ্চা
‘‘কংগ্ৰেছৰ বাবেই শক্তিশালী হৈ পৰিছে মোদী। দেশৰ স্বাৰ্থক কংগ্ৰেছে গুৰুত্ব দিয়া নাই। যদি কংগ্ৰেছে সঠিক সিদ্ধান্ত ল’ব নোৱাৰে, তেন্তে সমগ্ৰ দেশখনেই ভুক্তভোগী…
গ’ ফ’ৰ গ্ল’ৰী লাভলীনা : শুভেচ্ছামূলক বাৰ্তা লিখি বঙাইগাঁৱত বক্সাৰগৰাকীৰ ছবি অংকন
টকিঅ’ অলিম্পিকত ভাৰতক প্ৰতিনিধিত্ব কৰা অসম জীয়ৰী তথা আন্তঃ ৰাষ্ট্ৰীয় খ্যাতি সম্পন্ন বক্সাৰ লাভলীনা বৰগোহাঁইকলৈ সকলো আশাবাদী হৈ আছে ৷ সকলোৰে আশা লাভলীনাই পদক…
বিশ্বভাৰতীত যোগদান অধ্যাপক ৰঞ্জিৎ কুমাৰ দেৱ গোস্বামীৰ
বিশ্বভাৰতীৰ ভাষা ভৱনৰ কনফাৰেন্স হলত কালি (৫ মে’, ২০২৫) দিনৰ ১১.৩০ বজাত ভাষা-ভৱন আৰু অসমীয়া বিভাগৰ উদ্যোগত আয়োজিত এখনি গাম্ভীৰ্য্যপূৰ্ণ সভাত বিশ্বভাৰতীৰ…
অৰুণাচলৰ সন্ধানহীন কিশোৰক ভাৰতীয় সেনাক হস্তান্তৰ কৰিলে চীনে
চীনৰ সীমান্তৰ প্ৰকৃত নিয়ন্ত্ৰণ ৰেখাৰ কাষত সন্ধানহীন হোৱা অৰুণাচল প্ৰদেশৰ কিশোৰক আজি ভাৰতীয় সেনাক হস্তান্তৰ কৰা হৈছে। কেন্দ্ৰীয় মন্ত্ৰী কিৰেন ৰিজিজুৱে আজি…