ৰাণী দ্বিতীয় এলিজাবেথৰ অন্ত্যেষ্টিক্ৰিয়াত উপস্থিত থাকিব আমেৰিকাৰ ৰাষ্ট্ৰপতি জো বিডেন

ৰাণী দ্বিতীয় এলিজাবেথৰ অন্ত্যেষ্টিক্ৰিয়াত উপস্থিত থাকিব আমেৰিকাৰ ৰাষ্ট্ৰপতি জো বিডেন।

তেওঁ সাংবাদিকসকলৰ আগত কৈছে: “মই এতিয়ালৈকে বিস্তৃত নাজানো। কিন্তু মই ব্ৰিটেইনত ৰাণীৰ অন্ত্যেষ্টিক্ৰিয়াত উপস্থিত থাকিম।”

ৰাণীৰ অন্ত্যেষ্টিক্ৰিয়াৰ দিন এতিয়াও চূড়ান্ত কৰা হোৱা নাই।  অন্ত্যেষ্টিক্ৰিয়া ১৯ ছেপ্টেম্বৰত অনুষ্ঠিত হ’ব পাৰে বুলি শুনা গৈছে। বিডেনে লগতে কয় যে তেওঁ এতিয়ালৈকে ৰাণী দ্বিতীয় এলিজাবেথৰ পুত্ৰ ৰজা তৃতীয় চাৰ্লছৰ সৈতে কথা পতা নাই। তেওঁ কয়, “মই তেওঁক চিনি পাওঁ। কিন্তু আমি এতিয়ালৈকে কথা পতা নাই।”

লগতে পঢ়ক: যুদ্ধৰ খৱৰ! ইউক্ৰেইনৰ চহৰ বালাকলিয়াৰ ওপৰত নিয়ন্ত্ৰণ হেৰুৱাইছে ৰাছিয়াই

ৰাষ্ট্ৰপতি বিডেনে বিমানবন্দৰত অৱতৰণ কৰাৰ পিছত সাংবাদিকসকলক এইদৰে কয়।

বৃহস্পতিবাৰে ৰাণী দ্বিতীয় এলিজাবেথৰ মৃত্যু হয়। তেওঁৰ বয়স আছিল ৯৬ বছৰ। ৰাণীৰ মৃত্যুত সমগ্ৰ ব্ৰিটেইন শোকাহত হৈ পৰিছে। ভাৰতেও দেওবাৰে ৰাষ্ট্ৰীয় শোক পালন কৰিব।