নৰ্থ-ইষ্ট য়ুনাইটেডৰ মুখ্য প্ৰশিক্ষক হিচাপে জেৰাৰ্ড নুছক নিযুক্তি

ঘানা ৰাষ্ট্ৰীয় ফুটবল দলৰ সহকাৰী প্ৰশিক্ষক জেৰাৰ্ড নুছক নৰ্থ-ইষ্ট য়ুনাইটেডৰ মুখ্য প্ৰশিক্ষক হিচাপে নতুনকৈ নিযুক্তি দিয়া হৈছে।

নৰ্থ-ইষ্ট য়ুনাইটেডৰ মুখ্য প্ৰশিক্ষক হিচাপে ৩৫ বৰ্ষীয় নুছক নিযুক্তি দিয়াৰ পাছত নৰ্থ-ইষ্ট য়ুনাইটেডৰ আগন্তুক বৰ্ষৰ খেলপথাৰত খেলাৰ শৈলী সলনি হ’ব বুলি আশা প্ৰকাশ কৰা হৈছে।

২০১৯ বৰ্ষৰ আই এছ এলত নৰ্থ-ইষ্ট য়ুনাইটেডে চতুৰ্থ স্থানত থাকি ছিজনৰ সামৰণি মাৰিছিল।

স্পেইনৰ ফুটবলাৰ জেৰাৰ্ড নুছে বিখ্যাত ফুটবল ক্লাৱ লিভাৰপুল এফ চি একাডেমীৰ প্ৰশিক্ষক হিচাপে নিজৰ প্ৰশিক্ষকৰ কেৰিয়াৰ আৰম্ভ কৰিছিল।

All the way from 🇪🇸 to 🇮🇳, please welcome our new Head Coach @NusGerard to the Highlander Family. 🔴⚪⚫#BienvenidoGerard#ElProfesor#StrongerAsOne#8States1United pic.twitter.com/Rxu9FrGpgl

— NorthEast United FC (@NEUtdFC) August 25, 2020

ঘানা ৰাষ্ট্ৰীয় দল আৰু লিভাৰপুল এফ চি একাডেমীৰ দৰে ক্লাৱত প্ৰশিক্ষণ আগবঢ়োৱা অভিজ্ঞতাৰ বাবেই জেৰাৰ্ড নুছক নৰ্থ-ইষ্ট য়ুনাইটেডৰ মুখ্য প্ৰশিক্ষক হিচাপে নিযুক্তি দিয়া হৈছে বুলি নৰ্থ-ইষ্ট য়ুনাইটেডে উল্লেখ কৰে।

নৰ্থ-ইষ্ট য়ুনাইটেডৰ এগৰাকী বিষয়াই জেৰাৰ্ড নুছক ক্লাৱটোৰ মুখ্য প্ৰশিক্ষক হিচাপে নিযুক্তি দিয়াটো এক সঠিক সিদ্ধান্ত হিচাপে অভিহিত কৰে।

‘‘এয়া মোৰ তৃতীয় এছিয়া ভ্ৰমণ আৰু মই ইতিমধ্যে ক্লাৱ, ইয়াৰ সমৰ্থক সকলৰ বিষয়ে বহু ভাল কথা শুনিবলৈ পাইছো,’’ জেৰাৰ্ডে মুখ্য প্ৰশিক্ষক হিচাপে নিযুক্তি লাভ কৰাৰ পাছতে এইদৰে প্ৰতিক্ৰিয়া ব্যক্ত কৰে।