মহানগৰীৰ আৰু নতুন ঠাইক কন্টেইমেন্ট জ’ন হিচাপে ঘোষণা মহানগৰ জিলা প্ৰশাসনৰ

ক’ৰনা ভাইৰাছৰ তীব্ৰতাৰ প্ৰতি লক্ষ্য ৰাখি আজি গুৱাহাটী মহানগৰীৰ আৰু নতুন ঠাইক কন্টেইনমেন্ট জ’ন হিচাপে ঘোষণা কৰিছে মহানগৰ জিলা প্ৰশাসনে।

নতুন কৈ কন্টেইমেন্ট জ’ন ঘোষণা কৰা অঞ্চলতো হ’ল বিষ্ণুপুৰ, কৃষ্ণনগৰ এলেকা।

জিলা প্ৰশাসনে বিষ্ণুপুৰৰ কন্টেইনমেণ্ট জ’নৰ সীমা নিৰ্ধাৰণ কৰিছে- উত্তৰে আৰ্য কলেজ, দক্ষিণে মৰাপাট কল(jute মিল), পূবে চৰকাৰী ITI, আৰু পশ্চিমে বিষ্ণুপুৰ পথ।

এই অঞ্চলৰ পৰা ক’ৰ’না আক্ৰান্ত লোক ধৰা পৰিছিল। সেয়ে মহানগৰ জিলা প্ৰসাশনে কণ্টেইনমেণ্ট জ’ন ঘোষণা কৰাৰ সিদ্ধন্ত লয়।

অঞ্চলটোত বসবাস কৰা অন্য লোক সকলৰ সুৰক্ষাৰ প্ৰতি লক্ষ্য ৰাখি এই সিদ্ধান্ত গ্ৰহণ কৰিছে জিলা প্ৰশাসনে।

কামৰূপ মহানগৰ জিলা প্ৰশাসনে আজি নিশা ১০ বজাৰ পৰা কাৰ্যকৰী হোৱাকৈ এই নিৰ্দেশনা দিয়ে।

পৰৱৰ্তী ১৪টা দিনৰ বাবে এই অঞ্চলটোৰ পৰা কোনেও বাহিৰ ওলাই যাব নোৱাৰিব আৰু অন্য লোক সেই অঞ্চলত প্ৰৱেশ কৰিব নোৱাৰিব।

উল্লেখযোগ্য যে, মহানগৰীৰ তৰুণ নগৰৰ দীনেশ ওজা পথ, নুনমাটি গোপাল নগৰৰ ভূপেন হাজৰিকা পথ, বৰবাৰী, জাপৰিগোপ, দঁতালপাৰা আৰু ন মাইলৰ চি আৰ পি এফ গ্ৰুপ চেণ্টাৰ এতিয়াও কন্টইনমেণ্ট জ‘ন হিচাপে আছে।