“সীতা”ৰ নাম লৈ ত্ৰ’লৰ সন্মুখীন “ৰামায়ণ”ত ডাঙৰ হোৱা সোণাক্ষি ||Viral Video

বলিউদৰ জনপ্ৰিয় অভিনেত্ৰী সোণাক্ষি সিনহা ডাঙৰ হোৱা পিতৃগৃহৰ নাম “ৰামায়ণ”।

কিন্তু, অভিনেত্ৰীগৰাকীয়ে “কন বনেগা ক্ৰ’ৰপতি ১১”ত ভাৰতীয় মহাকাব্য ৰামায়ণ-জৰিত এটি প্ৰশ্নৰ শুদ্ধ উত্তৰৰূপে ভুলত ল’লে “সীতা”ৰ নাম।

তাকে লৈ চ’চিয়েল মিডিয়াত ব্যাপক ত্ৰ’লৰ সন্মুখীন হ’ব লগা হৈছে অভিনেত্ৰীগৰাকী।

জনপ্ৰিয় টিভি শ্ব’টোৰ শুকুৰবাৰে প্ৰচাৰিত খণ্ডত অমিতাভ বচ্চনে অভিনেত্ৰীগৰাকীক সুধিছিল: “হনুমানে সঞ্জীৱনী কাৰ বাবে আনিছিল?”

প্ৰায়ভাগ ভাৰতীয়ৰ বাবে ইয়াৰ উত্তৰটো তেনেই সহজ— “লক্ষ্মণ”।

সোণাক্ষিয়ে প্ৰথমে সীতাৰ নাম লয় আৰু পিছত বিভ্ৰান্তিত পৰি এবাৰ ৰামৰ নাম লয় আৰু শেষত লাইফলাইন বিচাৰে।

শ্ব’টো প্ৰচাৰিত হোৱাৰ পিছতে টুইটাৰত #SonakshiSinha #YoSonakshiSoDumb আদি হেশ্বটেগ ট্ৰেণ্ডিঙত আহে।

এগৰাকী টুইটাৰ ব্যৱহাৰকাৰীয়ে সোণাক্ষিৰ দেউতাকৰ ঘৰটোৰ নাম আৰু তেওঁৰ পৰিয়ালৰ সদস্যসকলৰ নামো উল্লেখ কৰে।

Names of few people from #SonakshiSinha
‘s family:
Shatrughan (Dad)
Luv (Brother)
Kush (Brother)
Ram (Uncle)
Lakshman (Uncle)
Bharat (Uncle)
Name of his father’s residence: RAMAYANA
Now watch this video to know why #YoSonakshiSoDumb is trending. pic.twitter.com/mlBsHPee2P

— Tejas (@imTejasBarot) September 21, 2019

কাকতালীয়ভাৱে সোণাক্ষিৰ পিতৃগৃ্হৰ নাম “ৰামায়ণ” হোৱাৰ উপৰি তেওঁৰ পৰিয়ালৰ সদস্যসকলৰ নামো ৰামায়ণ-জৰিত।

দেউতাক—শত্ৰুঘন সিনহা, দুই ভাতৃ—লৱ আৰু কুশ, খুৰাক—লক্ষ্মণ আৰু ভৰত!