এখন দেশৰ এজন ৰজা, প্ৰতি বছৰে বিয়া কৰে এগৰাকীকৈ কুমাৰী ছোৱালী

বিশ্বত বৰ্তমান খুব কম দেশতহে ৰাজতন্ত্ৰ বৰ্তি আছে।

ৰাজতন্ত্ৰ বৰ্তি থকা দেশ সমূহৰ ভিতৰত এখন সৰু দেশ হৈছে স্বোৱাটিনি।

পূৰ্বে এই দেশ খন স্বোৱাজিলেণ্ড হিচাবে পৰিচিত আছিল। দক্ষিণ আফ্ৰিকা আৰু মোজাম্বিকৰ সীমান্তত অৱস্থিত স্বোৱাটিনিত আজিও ৰজাৰ শাসনেই চলি আছে।

স্বোৱাটিনিৰ ৰজাৰ এটা বিশেষত্ব এয়াই যে তেওঁ প্ৰতি বছৰে এগৰাকীকৈ কুমাৰী ছোৱালীক বিয়া কৰায়।

এনেদৰে প্ৰতি বছৰে এগৰাকীকৈ কুমাৰী ছোৱালীক বিয়া কৰাই যোৱাৰ ফলত ৰজাৰ ৰাণীৰ সংখ্যা বহু বৃদ্ধি পাইছে।

জানিব পৰা মতে স্বোৱাটিনিৰ ৰজাৰ সন্তানৰ সংখ্যাও প্ৰায় ৩০ টা।

স্বোৱাটিনিৰ বৰ্তমানৰ ৰজা হৈছে তৃতীয় মাছোৱাটি।১৯৪০ চনতে দেশখনৰ কুমাৰী ছোৱালী সকলক যৌন উৎপীড়ণৰ পৰা ৰক্ষা কৰিবলৈ এটা নিয়ম কৰা হৈছিল।

নিয়ম অনুসৰি কোনো ছোৱালীৰে কুমাৰীত্ব কোনেও হৰণ কৰিব নোৱাৰিব। ৰজাই নিজৰ পচন্দ অনুসৰি কুমাৰী ছোৱালীক নিৰ্বাচন নকৰালৈকে সেয়ে কোনেও কুমাৰী ছোৱালীৰ প্ৰতি  চকু দিয়াৰ সাহসেই কৰিব নোৱাৰে।

দেশ খনৰ ৰজাই প্ৰতি বছৰে কুমাৰী ছোৱালী নিৰ্বাচন কৰাৰ বাবে এক বিশেষ পেৰেডৰ ব্যৱস্থা কৰে।

লুডদিজিনি প্ৰাসাদত আয়োজন কৰা সেই পেৰেডত দেশ খনৰ সকলো কুমাৰী ছোৱালীয়ে অংশগ্ৰহণ কৰে।

পেৰেডৰ পৰাই ৰজাই নিজৰ পচন্দৰ কইনাজনীক বিচাৰি লয়।

১৯৮৬ চনত ১৮ বছৰ বয়সতে ৰজা হোৱা তৃতীয় মাছোৱাটিয়ে প্ৰতি বছৰে এই পৰম্পৰা ৰক্ষা কৰি কুমাৰী ছোৱালী বিয়া কৰি আহিছে। এই বছৰো তাৰ ব্যতিক্ৰম হোৱা নাই।