NIAৰ আদালতে পুনৰ গুৱাহাটী কেন্দ্ৰীয় কাৰাগাৰলৈ প্ৰেৰণ কৰিলে অখিল গগৈক
NIA আদালতত আজি হাজিৰ কৰোৱা হয় কৃষক নেতা অখিল গগৈক। তেওঁৰ লগতে ধৈৰ্য কোঁৱৰ আৰু বিতু সোণোৱালকো হাজিৰ কৰোৱা হৈছে চান্দমাৰিস্থিত NIA আদালতত।
আদালতৰ চৌহদত উপস্থিত হৈ সাংঘাতিক অশান্তিত থকা বুলি মন্তব্য কৰে অখিল গগৈয়ে।
অসমবাসী ৰাইজক সাৱধানতা অৱলম্বন কৰিবলৈ কৃষক নেতাগৰাকীয়ে আহ্বান জনোৱাৰ লগতে অসমৰ বাহিৰত থকা ৪-৫ লাখ যুৱকক ঘূৰাই আনিবলৈ আহ্বান জনায় অখিলে।
ইয়াৰোপৰি কৃষক পৰিয়ালক ক্ষতিপূৰণ দিবলৈ আহ্বান জনোৱাৰ লগতে পেট্ৰ’ল ডিজেলৰ মূল্য হ্ৰাস কৰিবলৈ দুয়োজন নেতাই চৰকাৰক আহ্বান জনায়।
ইপিনে, গুৱাহাটী কেন্দ্ৰীয় কাৰাগাৰত কোনো ধৰণৰ সামাজিক দূৰত্ব মানি চলা নহয় বুলি গুৰুতৰ অভিযোগ তোলে ধৈৰ্য কোঁৱৰে। একেটা ৰুমতে ৪০-৫০ জন কয়দীক একেলগে ৰখা হয় বুলিও অভিযোগ তোলে ধৈৰ্যই।
আদালতে পুনৰ তিনিওকে গুৱাহাটী কেন্দ্ৰীয় কাৰাগাৰলৈ প্ৰেৰণ কৰে। অহা ১৩ মে ত পুনৰ তিনিওকে হাজিৰ কৰোৱা হ’ব NIA আদালতত।
অহা ১৩ মে ত তিনিওকে পুনৰ নিয়া আদালতত হাজিৰ কৰোৱা হ’ব।