প্ৰচণ্ড পেটৰ বিষত আক্ৰান্ত অখিল গগৈ; জি এম চি এইচত চিকিৎসাধীন

প্ৰচণ্ড পেটৰ বিষত আক্ৰান্ত হৈছে কৃষক নেতা অখিল গগৈ। কাৰাগাৰৰ ভিতৰত আজি  পুনৰ অসুস্থ হৈ পৰে কৃষক নেতাজন।

সেয়েহে ততাতৈয়াকৈ গুৱাহাটী কেন্দ্ৰীয় কাৰাগাৰৰ কতৃপক্ষই অখিলক জি এম চি এইছলৈ লৈ আহে।

নৰ্থ ইষ্ট নাওৰ সাংবাদিকৰ আগত এই কথা জানিবলৈ দিয়ে সংগঠনটোৰ নেতা মুকুট ডেকাই।

বৰ্তমান জৰুৰীকালীন বিভাগত কৃষক নেতাজনৰ চিকিৎসা চলাই থকা হৈছে।

উল্লেখযোগ্য যে, কা বিৰোধী আন্দোলনে ভৰপক ৰূপ লোৱাৰ সময়তে ৰাষ্ট্ৰদ্ৰোহৰ গোচৰত গ্ৰেপ্তাৰ হোৱা কৃষক নেতা অখিল গগৈ যোৱা আঢ়ৈ মাহ ধৰি কেন্দ্ৰীয় কাৰাগাৰত কাৰাৰুদ্ধ হৈ আছে।

কাৰাগাৰত থকাৰ সময়তে কৃষক নেতাগৰাকীৰ স্বাস্থ্যৰ অৱনতি ঘটিছে বুলি জানিব পৰা গৈছে।

পূৰ্বেও কৃষক নেতাজন চকু, হাত, ভৰি, দাঁত আৰু প্ৰচণ্ড মূৰৰ বিষত ভুগিছিল।

কৃষক নেতাজন ছালৰ সমস্যাতো ভোগা বুলি ডেকাই জানিবলৈ দিয়ে।