শিৱসাগৰ-নাজিৰাত গুটখাৰ ৰমৰমীয়া বেহা; বিস্কুটৰ কাৰ্টুনত লুকুৱাই অনা বৃহৎ পৰিমাণৰ গুটখা জব্দ আৰক্ষীৰ
ল’কডাউনৰ সময়ত গুটখাৰ অবৈধ বেহা। নাজিৰাত বিস্কুটৰ কাৰ্টুনত ওলাল বৃহৎ পৰিমাণৰ গুটখা। নাজিৰা আৰক্ষীয়ে জব্দ কৰে লক্ষাধিক পৰিমাণৰ গুটখা তথা ধঁপাতজাতীয় সামগ্ৰী।
ক’ৰ’না আতংকৰ বাবে এতিয়া সমগ্ৰ দেশত চলি আছে ল’কডাউন। যাৰ বাবে ৰাজ্য চৰকাৰে নিষিদ্ধ কৰি ৰাখিছে ধঁপাত, গুটখা জাতীয়া সামগ্ৰীৰ বিক্ৰী। কিন্তু নাজিৰাৰ লগতে শিৱসাগৰতো এচাম অসাধু ব্যৱসায়ীয়ে চলাই আছে গুটখা আৰু ধঁপাতৰ ৰমৰমীয়া ব্যৱসায়।
আজি পুৱা নাজিৰা আৰক্ষীৰ এটা দলে চহৰখনত বিস্কুটৰ কাৰ্টুন নমাই থকা অৱস্থাত বিস্কুটৰ কাৰ্টুনৰ মাজৰ পৰা বৃহৎ পৰিমাণৰ গুটখা আৰু ধঁপাত জাতীয় সামগ্ৰী উদ্ধাৰ কৰে।
গুৱাহাটীৰ পৰা নাজিৰা অভিমুখি AS01JC4678 নম্বৰৰ বিস্কুট কঢ়িয়াই অনা ইণ্ডিয়ান টবেক’ কোম্পানীৰ গাড়ীত বিস্কুটৰ কাৰ্টুনৰ মাজৰ পৰা ওলাল বৃহৎ পকিমাণৰ গুটখা।
আৰক্ষীৰ চকুত ধূলি দি ইণ্ডিয়ান টবেক’ কোম্পানীৰ গাড়ীখনে বিস্কুটৰ কাৰ্টুনত এইদৰে লুকুৱাই আনিছিল গুটখা। বিকাশ চাহু নামৰ ব্যৱসায়ীজনে গুৱাহাটীৰ পৰা এইদৰে আনিছিল বৃহৎ পৰিমাণৰ গুটখাসমুহ।
নাজিৰা আৰক্ষীয়ে গুটখা তথা ধঁপাতজাতীয় সামগ্ৰী কঢ়িয়াই অনা ইণ্ডিয়ান টবেক’ কোম্পানীৰ গাড়ীখনৰ লগতে গুটখাসমুহ জব্দ কৰিছে আৰু বিকাশ চাহুৰ বিৰুদ্ধে গোচৰ ৰুজু কৰিছে।
উল্লেখ্য যে, ল’কডাউনৰ বাবে চৰকাৰে নিষিদ্ধ কৰি ৰখা শিখৰ, ৰজনীগন্ধা, ছিগনেচাৰ, কে.পি আদি গুটখা আৰু ধঁপাতজাতীয় সামগ্ৰীসমুহ একাংশ অসাধু ব্যৱসায়ীয়ে প্ৰকৃত দামতকৈ তিন-চাৰিগুণ দামত বিক্ৰী কৰি আহিছে।
শিৱসাগৰৰ বিভিন্ন স্থানত অধিক দামত এই সমুহ গুটখা বিক্ৰী কৰি থকা হৈছে বুলি জানিব পৰা গৈছে। প্ৰশাসনক এনে ধৰণৰ ব্যৱসায়ীৰ বিৰুদ্ধে কঠোৰ ব্যৱস্থা গ্ৰহণ কৰিবলৈ দাবী জনায় একাংশ সচেতন ব্যক্তিয়ে।
You may also like
অসম
নৱনিযুক্ত ৩৪১গৰাকী কনিষ্ঠ প্ৰশাসনীয় সহায়ক, কম্পিউটাৰ অপাৰেটৰক নিয়ুক্তি পত্ৰ বিতৰণ
মুখ্য মন্ত্ৰী সৰ্বানন্দ সোণোৱালে আজি শ্ৰীমন্ত শংকৰদেৱ কলাক্ষেত্ৰস্থিত আন্তৰ্জাতিক প্ৰেক্ষাগৃহত অনুষ্ঠিত এক অনুষ্ঠানত জনতা ভৱনত নতুনকৈ নিয়ুক্তিপ্ৰাপ্ত সৰ্বমুঠ ৩৪১ গৰাকী কনিষ্ঠ প্ৰশাসনীয়…
অসম
অসমত স্থাপন হ’ব ভাৰতৰ দ্বিতীয়খন আঞ্চলিক আভ্যন্তৰীণ নৌচালনাবিদ্যা প্ৰতিষ্ঠান
অসমত অচিৰেই এখন আঞ্চলিক আভ্যন্তৰীণ নৌবিদ্যা প্ৰতিষ্ঠান স্থাপন হ’ব। এই প্ৰতিষ্ঠানটোৱে আভ্যন্তৰীণ জল পৰিবহণ সম্পৰ্কীয় বিভিন্ন বিষয়ৰ ওপৰত প্ৰশিক্ষণ প্ৰদান কৰিব। উল্লেখ্য…
অসম
উৰুকাত থলুৱা মাছৰ উজান উঠিছে শিৱসাগৰত
উৰুকাত থলুৱা মাছৰ সোৱাদ পাব শিৱসাগৰবাসীয়ে। ভটিয়াপাৰত উঠিছে মাছৰ উজান। ৰৌ, বাহু, বি গ্ৰেট, চিলভাৰ কাপ, চিতল আদি মাছৰ উজান উঠিছে উদ্যোগী…
শীর্ষ সংবাদ
আপুনি কমকৈ পানী খায় নেকি? যদি খায় সাৱধান!
প্ৰচুৰ পৰিমাণে পানী খোৱাটো আমাৰ শৰীৰৰ বাবে অতি প্ৰয়োজনীয়। পানীয়ে আমাৰ শৰীৰক নিয়ন্ত্ৰণ কৰাত সহায় কৰে। ইয়াৰ বাহিৰেও অধিক পানী খোৱাৰ ফলত…