Solar Eclipse: আজি বছৰৰ অন্তিমটো সূৰ্যগ্ৰহণ; ক’ত দেখা যাব এই পূৰ্ণগ্ৰাস সূৰ্যগ্ৰহণ?
Solar Eclipse শনিবাৰে বছৰৰ অন্তিমটো সূৰ্যগ্ৰহণ দেখা যাব। অমাৱস্যাৰ দিনটোতে হ’ব সৌৰজগতৰ বিস্ময় এই বলয়গ্ৰাস বা পূৰ্ণগ্ৰাস সূৰ্যগ্ৰহণ।
সূৰ্য আৰু পৃথিৱীৰ মাজত যেতিয়া চন্দ্ৰ আহি পৰে আৰু সূৰ্যক ঢাকি ধৰে তেতিয়াই পৃথিৱীত সূৰ্যৰ অন্ধকাৰ দিশটো দৃশ্যমান হয়।
শনিবাৰে পুৱা ১১বাজি ২৯ মিনিটত আৰম্ভ হ’বলগীয়া সূৰ্যগ্ৰহণ দুপৰীয়া ১ বজাত পূৰ্ণগ্ৰাস আৰম্ভ হৈ ১বাজি ৩৩ মিনিটত পূৰ্ণগ্ৰাস সম্পন্ন হ’ব।
Also Read: Cyclone Jawad: আহি আছে ‘জাৱাদ’ ঘুৰ্ণীবতাহ; কেনে প্ৰভাৱ পৰিব অসম তথা উত্তৰ পূৰ্বাঞ্চলত?
বিয়লি ২বাজি ৩ মিনিটত পূৰ্ণগ্ৰাস গ্ৰহণৰ সমাপ্তি ঘটিব আৰু বিয়লি ৩বাজি ৩৭ মিনিটত সূৰ্যগ্ৰহণৰ অন্ত পৰিব। গ্ৰহণৰ সম্পূৰ্ণ সময় হ’ব ৪ ঘন্টা ৮ মিনিট।
এইবাৰৰ পূৰ্ণগ্ৰাস সূৰ্যগ্ৰহণ কেবল দক্ষিণ আমেৰিকা, অষ্ট্ৰেলিয়া, দক্ষিণ আফ্ৰিকা আৰু এন্টাৰ্কটিকাৰ উপৰি দক্ষিণ আটলান্টিকৰ কিছু অংশ দেখা পোৱা যাব। ভাৰতীয় উপ মহাদেশত এইবাৰ সূৰ্যগ্ৰহণ দেখা পোৱা নাযাব।
সূৰ্যগ্ৰহণৰ সময়ত চকুৰ সুৰক্ষা নিয়াৰ বাবে বিজ্ঞানীসকলে আহ্বান জনাইছে। কিয়নো দৰ্ঘ সময় খালী চকুৰে সূৰ্যৰ পিনে চাই থাকিলে চকুৰ ক্ষতি হ’ব পাৰে।
Also Read: Mayank Agarwal: অনবদ্য অপৰাজিত ১২০ত মায়ংক! কিয় চৰ্চিত হৈছে গাভাস্কাৰ, দ্ৰাবিড়ৰ ভূমিকা?
গ্ৰহণ চোৱাৰ বাবে লেন্সত এখন বিশেষ সৌৰ ফিল্টাৰ লগোৱাৰ প্ৰয়োজন। চিধা সূৰ্যৰ পিনে চোৱাটো উচিত নহয়। সেইদৰে পানীত সূৰ্যৰ প্ৰতিফলনৰ পিনে চোৱাও উচিত নহয়। ছানগ্লাছ ব্যৱহাৰ কৰিও গ্ৰহণ চোৱা অনুচিত।