গোলাঘাটত নাহৰফুটুকীৰ ভয়ানক আক্ৰমণত আহত চাহ বাগিছাৰ শ্ৰমিক

বুধবাৰে গোলাঘাট জিলাত চাহ বাগিচা এটা নাহৰফুটুকী বাঘৰ আক্ৰমণত এগৰাকী শ্ৰমিক গুৰুতৰভাবে আহত হয়।

আহত শ্ৰমিকজনক বুবুল মিৰ্ধা বুলি চিনাক্ত কৰা হৈছে। সৌভাগ্যক্ৰমে নাহৰফুটুকীটোৱে অধিক আক্ৰমণ কৰাৰ পূৰ্বেই সেই স্থানৰ পৰা শ্ৰমিকজন পলাই সাৰিবলৈ সক্ষম হয়।

ইয়াৰ পিছতে স্থানীয় ৰাইজে আহত শ্ৰমিকগৰাকীক ততাতৈয়াকৈ সংকটজনক অৱস্থাত চিকিৎসালয়লৈ প্ৰেৰণ কৰে।

উল্লেখ্য যে যোৱা এপ্ৰিল মাহত ডিব্ৰুগড়তো নাহৰফুটুকীৰ আক্ৰমণত এগৰাকী মহিলা চাহ শ্ৰমিক গুৰুতৰভাৱে আহত হৈছিল। লাহোৱালৰ তামুলবাৰী চাহ বাগিচাত চাহপাত চিঙি থকাৰ সময়তে মহিলাগৰাকীক এটা প্ৰকাণ্ড নাহৰফুটুকীয়ে আক্ৰমণ কৰে। পিছত আহত মহিলাগৰাকীক অসম চিকিৎসা মহাবিদ্যালয়লৈ প্ৰেৰণ কৰা হয়। আহত মহিলাগৰাকীৰ নাম মিনু মাঝি।