পলকতে শিকি লওঁ আহক সহজতে ৰান্ধিব পৰা গাহৰি মাংসৰ এখন সুন্দৰ ব্যঞ্জন

গাহৰি মাংসৰ বিভিন্ন ধৰণৰ ৰেচিপি আছে। আপুনি এই সুস্বাদু মাংসৰ বিভিন্ন ব্যঞ্জন ৰান্ধিব পাৰে। আজি আপোনালোকৰ বাবে লৈ আহিছোঁ এটা সহজ আৰু জনপ্ৰিয় গাহৰি মাংসৰ ৰেচিপি –

উপকৰণ –

১. গাহৰি মাংস: ৫০০ গ্ৰাম

২. পিয়াজ: ২ টা

৩. বিলাহী : ২ টা

৪. নহৰু : এটা (বটা)

৫. আদা: ১ ইঞ্চি

৬. কেঁচা জলকীয়া : ২-৩ টা

৭. ধনিয়া গুড়ি: ১ চামুচ

৮. জিৰা গুড়ি: আধা চামুচ

৯. হালধী গুড়ি : আধা চামুচ

১০. জলকীয়া গুড়ি : ১ চামুচ

১১. গৰম মছলা গুড়ি : আধা চামুচ

১২. মিঠাতেল : ২-৩ চামুচ

১৩. নিমখ : স্বাদ অনুসৰি
১৪. ধনিয়া পাত এমুঠি

ৰন্ধন প্ৰণালী

১. প্ৰথমে গাহৰি মাংসখিনি ভালকৈ ধুই পৰিষ্কাৰ কৰক।

২. এখন কেৰাহীত তেল গৰম কৰক। তাত জিৰা গুড়ি আৰু জলকীয়া খিনি ভাজক।

৩. তাৰপিছত বটি লোৱা আদা-নহৰু আৰু কটা পিয়াজখিনি দি সোণবৰণীয়া হোৱালৈকে ভাজক।

৪. এতিয়া তাত মিহিমিহিকৈ কাটি লোৱা পিয়াজখিনি যোগ কৰি ভাজক।

৫. এতিয়া ধনিয়া গুড়ি, জিৰা গুড়ি, হালধী গুড়ি, জলকীয়া গুড়ি, আৰু নিমখ যোগ কৰি ভালকৈ মিহলাই লওক।

৬. মছলাবোৰ ভালকৈ ভাজি লোৱাৰ পিছত তাত গাহৰি মাংসৰ টুকুৰাবোৰ দি ভালকৈ মিহলাই লওক।

৭. মাংসবোৰ মছলাৰ সৈতে ভালকৈ মিহলি হ’বলৈ ৫ৰ পৰা ৭ মিনিট ভাজক।

৮. এতিয়া তাত অলপ গৰম পানী দি ঢাকনি দি মাংস কোমল হোৱালৈকে কম জুইত ২০-২৫ মিনিট উতলিবলৈ দিয়ক।

৯. মাংস সিজিলে তাত গৰম মছলা গুড়ি খিনি দি ভালকৈ মিহলাই লওক।

১০. শেষত ধনিয়া পাত সৰু সৰুকৈ কাটি কেৰাহীখন চৌকাৰ পৰা নমাই থওঁক আৰু গৰমে গৰমে ৰুটি বা ভাতৰ সৈতে পৰিৱেশন কৰক।