পৰিশোধ কৰিব লাগিব ১০০ কোটি টকাৰ ঋণ; নীৰৱ মোদীক লণ্ডনৰ আদালতৰ নিৰ্দেশ

ঋণ জালিয়াতিৰ গোচৰত পুনৰ বিপদত পৰিছে নীৰৱ মোডী। এইবাৰ লণ্ডনৰ চাৰ্কিট কমাৰ্চিয়েল ক’ৰ্টৰ নিৰ্দেশ অনুসৰি ভাৰতৰ পৰা পলাতক উদ্যোগপতিজনে ১৭ লাখ ডলাৰতকৈ অধিক (ভাৰতীয় মুদ্ৰাত ১০০ কোটি টকা) ঘূৰাই দিব লাগিব।

নীৰৱৰ ডুবাইস্থিত কোম্পানী ‘ফায়াৰষ্টাৰ ডাইমণ্ড এফজেই’ক দিয়া ঋণ আদায়ৰ গোচৰত আদালতে এই ৰায়দান কৰিছে। লণ্ডনৰ আদালতে মঙলবাৰে কয় যে কোম্পানীটোৱে লোৱা ঋণ পৰিশোধৰ বাবে নীৰৱ মোডী দায়বদ্ধ। কাৰণ সেই ঋণৰ বাবে তেওঁ ব্যক্তিগত গেৰান্টাৰ হিচাপে চহী কৰিছিল।

আদায়যোগ্য ধনৰ মূল ঋণৰ পৰিমান প্ৰায় ৪১ লাখ ডলাৰ। তাৰ লগতে আছে সুত। মুঠতে মুঠ বাকী আদায় দিবলগীয়া থকা ধনৰ পৰিমান ১৭ লাখ ডলাৰতকৈ অধিক।

এই ঋণ ২০১২ চনত বেংক অৱ ইণ্ডিয়াই ‘ফায়াৰষ্টাৰ ডাইমণ্ড এফ জে ই’ক দিছিল। নীৰৱ মোদীয়ে ব্যক্তিগত গেৰান্টাৰ হিচাপে স্বাক্ষৰ কৰিছিল।

আদালতৰ নথি অনুসৰি ২০১৮ চনৰ আৰম্ভণিতে পঞ্জাৱ নেশ্যনেল বেংকত প্ৰায় ১৩ হাজাৰ কোটি টকাৰ ঋণৰ জালিয়াতিৰ তথ্য পোহৰলৈ অহাত ফায়াৰষ্টাৰ গ্ৰুপৰ আৰ্থিক অৱস্থা দ্ৰুতগতিত অৱনতি ঘটিবলৈ আৰম্ভ কৰে।

স্বাভাৱিকভাৱে ঋণ পৰিশোধৰ বিষয়টো প্ৰশ্নৰ আওতালৈ আহিছিল। এনে পৰিপ্ৰেক্ষিতত লণ্ডনৰ আদালতে নীৰৱক এই ধন ঘূৰাই দিবলৈ নিৰ্দেশ দিলে।