ক’ভিডত আক্ৰান্ত হৈ প্ৰাণ হেৰুৱালে সংগীতশিল্পী লাকী আলিয়ে! কি ক’লে অভিনেত্ৰী নাফিছা আলিয়ে?

ক’ভিড-১৯ত আক্ৰান্ত হৈ মৃত্যু হ’ল নেকি যশস্বী সংগীতশিল্পী লাকী আলিৰ?

মঙলবাৰে আবেলি সংগীতশিল্পীজন মৃত্যু হোৱা বুলি বাতৰি উলোৱাৰ পাছতে অনুৰাগীমহলৰ মাজত হৈ চৈ লাগে।

সামাজিক মাধ্যমত শিল্পীজনৰ মৃত্যুত বহুতে শোকপ্ৰকাশো কৰা দেখা যায়।

কিন্তু জনপ্ৰিয় অভিনেত্ৰী নাফিছা আলিয়ে শেহতীয়াকৈ ষ্পষ্ট কৰি দিছে বাতৰিটো এটা উৰাবাতৰিহে আছিল।

Lucky is totally well and we were chatting this afternoon. He is on his farm with his family . No Covid . In good health.

— Nafisa Ali Sodhi (@nafisaaliindia) May 4, 2021

মঙলবাৰে মাজৰাতি তেওঁ টুইটাৰযোগে কয় যে শিল্পীজন বৰ্তমান তেওঁৰ বাংগালোৰস্থিত ফাৰ্মহাউচত পৰিয়ালৰ স’তে সুস্বাস্থ্যসহকাৰে দিন যাপন কৰিছে।

নাফিচাই কয় যে শিল্পীজনৰ স’তে তেওঁ কথা-বতৰা হৈছে আৰু শিল্পীজন ক’ভিডত আক্ৰান্ত হোৱা নাই।

বৰ্তমান শিল্পীজনে সংগীত আৰু কনচাৰ্টৰ নতুন পৰিকল্পনা কৰি থকাও বুলি তেওঁ জনায়।

উল্লেখযোগ্য যে ৯০ৰ দশকৰ এগৰাকী পপষ্টাৰ হিচাপে প্ৰচুৰ জনপ্ৰিয়তা লাভ কৰা লাকী আলিয়ে আন্তঃৰাষ্ট্ৰীয়ভাৱেও বহুকেইজন সংগীতশিল্পীৰ স’তে কাম কৰি আহিছে।