লামডিঙত প্ৰথমগৰাকী ক’ভিড-১৯ ৰোগীৰ মৃত্যু
লামডিঙত ক’ভিড-১৯ৰ ফলত আজি এজন ৰোগীৰ মৃত্যু হয়। মহামাৰী ক’ৰ’নাৰ বাবে মৃত্যু হোৱা লামডিঙত এইটো প্ৰথম ঘটনা।
মৃত্যু হোৱা লোকজন অমল শইকীয়া বুলি চিনাক্ত কৰা হৈছে। তেওঁ ৰেইলৱেত কৰ্মৰত আছিল।
লামডিং ৰেইলৱে চিকিৎসালয়ত চিকিৎসাধন হৈ থকা শইকীয়া কিডনীৰ ৰোগত আক্ৰান্ত আছিল।
জানিব পৰা মতে শইকীয়াক প্ৰথমে গুৱাহাটী চিকিৎসা মহাবিদ্যালয় হাস্পতালত ভৰ্তি কৰোৱা হৈছিল আৰু পিছত লামডিং ৰেইলৱে হাস্পতাললৈ নিয়া হয়।
আজি মৃত্যু হোৱা শইকীয়াৰ মৃতদেহ অন্তিম সৎকাৰৰ বাবে হোজাই জিলা প্ৰশাসনে সকলো ধৰণৰ ব্যৱস্থা গ্ৰহণ কৰা বুলি জানিব পৰা গৈছে।
উল্লেখ্য যে শইকীয়াৰ ক’ভিড টেষ্টত প্ৰথমে নিগেটিভ আহিছিল আৰু পিছত অৰ্থাৎ মঙলবাৰে RTPC টেষ্টত তেওঁৰ ৰিপৰ্ট পজিটিভ আহে।
ইফালে তেওঁৰ সংস্পৰ্শলৈ অহা সকলো চিকিৎসক তথা নাৰ্চক কোৱাৰেণ্টাইন কৰাৰ ব্যৱস্থা কৰিছে জিলা প্ৰশাসনে।
উল্লেখ্য যে, ৰাজ্যত এই পৰ্যন্ত ১৮,৬৬৬ গৰাকী লোক ক’ৰ’নাত আক্ৰান্ত হোৱাৰ লগতে মঙলবাৰলৈকে ৪৬ গৰাকী ৰোগীৰ মৃত্যু হোৱাৰ কথা ৰাজ্য চৰকাৰে প্ৰকাশ কৰিছে।
You may also like
প্ৰলোভন দেখুৱাই চিনেমাত বিনিয়োগ! ৩০ কোটিৰ প্ৰতাৰণাৰ গোচৰত গ্ৰেপ্তাৰ বিক্ৰম ভাট আৰু তেওঁৰ পত্নী
বলীউডৰ পৰিচালক বিক্ৰম ভাট আৰু তেওঁৰ পত্নী শ্বেতাম্বৰী ভাটক ৰাজস্থান আৰক্ষীয়ে গ্ৰেপ্তাৰ কৰিছে। জানিব পৰা মতে, উদয়পুৰৰ ইন্দিৰা গ্ৰুপ অৱ কোম্পানীৰ স্বত্বাধিকাৰী…
নতুন ৰাজনৈতিক দললৈ নিমন্ত্ৰণ জনোৱা হ’লে গ’লহেঁতেন নেকি মন্ত্ৰী হিমন্ত বিশ্ব শৰ্মা ?
ৰাজ্যত আজিৰ দিনটোত সদৌ অসম ছাত্ৰ সন্থা আৰু অসম জাতীয়তাবাদী যুৱ ছাত্ৰ পৰিষদৰ ঔৰসত ভুমিষ্ঠ হ’ল ‘অসম জাতীয় পৰিষদ’ নামৰ নতুন আঞ্চলিক…
আক্ৰাছুৰ বঙাইগাঁও জিলা সমিতিৰ বিৰুদ্ধে অনাস্থা,নতুন সমিতি গঠন
সদৌ কোচ-ৰাজবংশী ছাত্ৰ সন্থা চমুকৈ আক্ৰাছুৰ পুৰেন ৰায় নেতৃত্বাধীন গোটৰ বঙাইগাঁও জিলা সমিতিখন পুনৰ গঠন কৰা হয় ৷ বঙাইগাঁও জিলাৰ অন্তৰ্গত ১৭…
দেশত পুনৰ বৃদ্ধি পাইছে কৰ’নাৰ দৈনিক সংক্ৰমণৰ ঘটনা; বৃদ্ধি পাইছে সক্ৰিয় ৰোগীৰ সংখ্যাও
দেশত কৰ’নাৰ তৃতীয় ঢৌৰ আশংকা চলি থকাৰ মাজতে যোৱা ২৪ ঘন্টাত সংক্ৰমণৰ ঘটনা যথেষ্টখিনি বৃদ্ধি পোৱাৰ লগতে সক্ৰিয় ৰোগীৰ সংখ্যাও বৃদ্ধি পাইছে।…