বিপদে লগ এৰা নাই ড’নাল্ড ট্ৰাম্পক; ট্ৰাম্পৰ সভাৰ সমীপত গ্ৰেপ্তাৰ মাস্ক পৰিহিত বন্দুকধাৰী যুৱক
চিবিএছ নিউজে প্ৰকাশ কৰা অনুসৰি, আমেৰিকাৰ প্ৰাক্তন ৰাষ্ট্ৰপতি ড’নাল্ড ট্ৰাম্পক হত্যাৰ চেষ্টা চলোৱাৰ কিছুদিন পাছত মিলৱাকিত ৰিপাব্লিকান নেশ্যনেল কনভেনচন অনুষ্ঠিত হোৱা স্থানৰ সমীপত এজন ২১ বছৰীয়া যুৱকক গ্ৰেপ্তাৰ কৰা হয়৷
১৫ জুলাই সোমবাৰে অধিৱেশন অনুষ্ঠিত হোৱা ফিচাৰ্ভ ফ’ৰামৰ ওচৰত কেপিটেল আৰক্ষী বিষয়া আৰু হোমলেণ্ড ছিকিউৰিটি ইনভেষ্টিগেশ্যনে সন্দেহজনক লোকজনক গ্ৰেপ্তাৰ কৰে। দিনটোৰ শেষৰ ফালে অধিৱেশনত উপস্থিত হোৱাৰ কথা আছিল ট্ৰাম্প।
ফক্স নিউজৰ মতে, লোকজনৰ সাজ-পোছাকৰ বাবেই কৰ্তৃপক্ষ সন্দেহজনক হৈ পৰে, য’ত আছিল স্কি মাস্ক আৰু টেকটিকেল বেগ। পৰিদৰ্শন কৰাৰ লগে লগে বেগটোত এটা এ কে ৪৭ আৰু এটা লোডেড মেগজিন থকা দেখা যায়। বিখ্যাত ৰাইফলটোৰ এটা ভেৰিয়েন্ট মডেল হৈছে এ কে-৪৭ পিষ্টল।
মিলৱাকি আৰক্ষীয়ে জনোৱা মতে, অধিৱেশন স্থানৰ পৰা কেইটামান ব্লক দূৰৈত নিশা ১ বজাৰ ওচৰত (স্থানীয় সময় অনুসৰি) গ্ৰেপ্তাৰ হয়। তেওঁলোকে জনোৱা মতে, উইচকনচিন বা আন কোনো ৰাজ্যত সন্দেহযুক্ত লোকজনৰ হাতত বৈধ গোপন অস্ত্ৰৰ অনুমতি নাছিল।
মিলৱাকি কাউন্টি জিলা এটৰ্নীৰ কাৰ্যালয়ে সন্দেহযুক্ত লোকজনৰ বিৰুদ্ধে সম্ভাৱ্য অভিযোগ পৰ্যালোচনা কৰি আছে, যাৰ পৰিচয় প্ৰকাশ কৰা হোৱা নাই।
যোৱা সপ্তাহত পেনচিলভেনিয়াত ৰিপাব্লিকান দলৰ ৰাষ্ট্ৰপতি পদৰ প্ৰাৰ্থী ড’নাল্ড ট্ৰাম্পৰ প্ৰচাৰ সভাত সংঘটিত হোৱা গুলীচালনাৰ পাছতে এই গ্ৰেপ্তাৰ কৰা হৈছে। প্ৰাক্তন ৰাষ্ট্ৰপতিগৰাকীয়ে ভাষণ দি থকাৰ সময়তে বন্দুকধাৰীয়ে গুলীচালনা কৰে।
গুলীচালনাত এজন ৰেলীলৈ যোৱা লোক নিহত হোৱাৰ বিপৰীতে আন দুজন আহত হয়। গুলীচালনা কৰা ২১ বছৰীয়া থমাছ মেথিউ ক্ৰুকছক নিৰাপত্তা সেৱাৰ স্নাইপাৰে গুলীয়াই হত্যা কৰে।