মণিপুৰৰ ছাংগাই পৰ্যটন মহোৎসৱত বোমা বিস্ফোৰণৰ ভাবুকি! গ্ৰেপ্তাৰ ৩ বিদ্ৰোহী
মণিপুৰত চলি থকা ছাংগাই পৰ্যটন উৎসৱৰ সময়ত বিস্ফোৰণৰ ভাবুকি দিয়াৰ অভিযোগত এগৰাকী মহিলাকে ধৰি তিনিজন বিদ্ৰোহীক নিৰাপত্তা বাহিনীয়ে গ্ৰেপ্তাৰ কৰিছে বুলি আৰক্ষীয়ে বৃহস্পতিবাৰে (২৭ নৱেম্বৰ, ২০২৫) প্ৰকাশ কৰে।
মণিপুৰ আৰক্ষীয়ে আছাম ৰাইফলছৰ সৈতে যৌথ অভিযান চলাই বুধবাৰে (২৬ নৱেম্বৰ, ২০২৫) নিষিদ্ধ কেচিপি (এমএফএল)ৰ তিনি সক্ৰিয় কেডাৰক গ্ৰেপ্তাৰ কৰে বুলি তেওঁলোকে জানিবলৈ দিয়ে।
২১ নৱেম্বৰত এজন ব্যৱহাৰকাৰীয়ে ফেচবুকত প্ৰকাশ কৰা ভিডিঅ’টোত ২১ নৱেম্বৰৰ পৰা ৩০ নৱেম্বৰলৈ অনুষ্ঠিত হৈ থকা মহোৎসৱত বোমা বিস্ফোৰণৰ ভাবুকি দিয়াৰ পিছতে এই গ্ৰেপ্তাৰ হৈছে বুলি এজন আৰক্ষী বিষয়াই জানিবলৈ দিয়ে।
পূব ইম্ফল, পশ্চিম ইম্ফল আৰু থৌবাল জিলাৰ পৰা বিদ্ৰোহীকেইজনক আটক কৰা হৈছে।