মাৰাত্মক কৰ’না! নিজৰ ৭০তম বিবাহবাৰ্ষিকী উদযাপন কৰাৰ পাছতে কৰ’নাত মৃত্যু দম্পতিৰ

কৰ’নাক সহজভাৱে লোৱাটো কেতিয়াও উচিত নহয়। কৰ’না ভাইৰাছৰ সংক্ৰমণৰ আতংকই বিশ্বত পুনৰ ত্ৰাসৰ সৃষ্টি কৰিছে।

নিজৰ ৭০তম বিবাহবাৰ্ষিকী উদযাপন কৰিছিল ৯০ বছৰীয়া ডিক মিক আৰু ৮৭বছৰীয়া চাৰ্লি মিকে।

ইয়াৰ কেইদিনমান পাছতে কৰ’নাই তেওঁলোকক নিলগাই নিয়ে। কেই সপ্তাহমানৰ পাছতে তেওঁলোক কৰ’না ভাইৰাছত আক্ৰান্ত হৈ হাস্পাতলত ভৰ্তি হৈছিল।

হাস্পাতলতে কেইমিনিটমানৰ ব্যৱধানত হাতত হাত ৰাখিয়েই প্ৰাণ হেৰুৱায় পতি-পত্নীয়ে। আমেৰিকাৰ যুক্তৰাষ্ট্ৰত সংঘটিত হৈছে এই ঘটনা।

বাতৰি অনুসৰি, যোৱা ২২ ডিচেম্বৰত ডিক আৰু চাৰ্লিয়ে তেওঁলোকৰ ৭০তম বিবাহবাৰ্ষিকী উদযাপন কৰিছিল।

কৰ’না আক্ৰান্ত হোৱাৰ পাছত দুয়োজনকে বেলেগে বেলেগে ৰখা হৈছিল যদিও পৰিয়ালৰ অনুৰোধত পাছত দুয়োজনকে এটা কোঠাতে ৰখা হয়।

ডিক আৰু চাৰ্লিৰ কন্যা হাওৱেলে জানিবলৈ দিয়ে যে প্ৰথমতে তেওঁৰ মাকৰ মৃত্যু হয়। তেওঁলোকে এজনে আনজনৰ হাতত ধৰি আছিল। মাকৰ মৃত্যুৰ পাছত নাৰ্ছে তেওঁৰ মূৰটো দেউতাকৰ কান্ধত ৰাখে।ইয়াৰ কিছুসময় পাছতেই দেউতাকৰো মৃত্যু হয়।

হাওৱালে লগতে আশা কৰে যে তেওঁৰ পিতৃ-মাতৃৰ এই মৃত্যুৱে মানুহক কৰ’না ভাইৰাছক গুৰুত্বসহকাৰে ল’বলৈ বাধ্য কৰিব।