গ্ৰাহকৰ বাবে সুখবৰ; মাৰুতি চুজুকীয়ে BS-IV বাহনত আগবঢ়াইছে বৃহৎ পৰিমাণৰ ৰেহাই

চাৰিচকীয়া বাহন নিৰ্মতা প্ৰতিষ্ঠান মাৰুতি চুজুকীয়ে ইয়াৰ BS-IV বাহনসমূহত গ্ৰাহকৰ বাবে আগবঢ়াইছে বৃহৎ পৰিমাণৰ ৰেহাই। এই ৰেহাই থাকিব কেৱল মাৰ্চ মাহৰ বাবে।

কোন মডেলৰ বাহনত কিমান ৰেহাই দিয়া হৈছে—

মাৰুতি চুজুকী চিয়াজ

মাৰুতি চুজুকী চিয়াজত ৪৫,০০০ টকাৰ ৰেহাই দিয়া হৈছে। ইয়াৰে নগদ ৰেহাই ১০,০০০ টকা হোৱাৰ বিপৰীতে বিনিময় বোনাচ ২৫,০০০ টকা আৰু ক’ৰ্পৰেট ৰেহাই দিয়া হৈছে ১০,০০০ টকা।

ইয়াৰ ফলত এই শ্ৰেণী মডেলৰ গাড়ী মূল্য ৮.৩১ লাখ টকাৰ পৰা আৰম্ভ হৈ ১১.০৯ লাখ টকা হ’ব।

মাৰুতি চুজুকী XL6

মাৰুতি চুজুকী XL6 মডেলত বিনিময বোনাচ লাভ কৰিব ১৫,০০০ টকা। এই মডেলৰ গাড়ীৰ দাম আৰম্ভ হ’ব ৯.৮৪ লাখ টকাৰ পৰা।

মাৰুতি চুজুকী বলেন’

বলেন’ত গ্ৰাহকে ৰেহাই পাব ২০,০০০ টকা। ইয়াত এক্সেঞ্চ বোনাচ হিচাবে পাব ১৫,০০০ টকা আৰু ৫,০০০ টকা লাভ কৰিব ক’ৰ্পৰেট ৰেহাই।

এই শ্ৰেণী মডেলৰ বাহনৰ আৰম্ভণি মূল্য ৫.৭ লাখ টকাৰ পৰা ৯.০৩ লাখ টকা।

মাৰুতি চুজুকী ইগ্নিছ

ইগ্নিছ শ্ৰেণী মেডলৰ বাহনবোৰত ৰেহাই মূল্য হৈছে ২০,০০০ টকা। ইয়াৰে ১৫,০০০ টকা এক্সেঞ্চ বোনাচ আৰু ৫,০০০ টকা ক’ৰ্পৰেট ৰেহাই।