দাও দাওকৈ জ্বলি উঠিল এটা তেল শোধনাগাৰ, অগ্নিদগ্ধ ৫জন লোক, ক’ত?
দাও দাওকৈ জ্বলি উঠিল এটা তেল শোধনাগাৰ।
অগ্নিনিৰ্বাপক বাহিনীয়ে বৰ্তমান জুই নুমুৱাবলৈ প্ৰচেষ্টা অব্যাহত ৰাখিছে।
ইণ্ডোনেছিয়াৰ বালংগান তেল শোধনাগাৰক সোমবাৰে ৰাতি প্ৰায় এক বজাত জুইয়ে ছানি ধৰে।
জুই লগাৰ ফলত কমেও পাঁচজন লোক গুৰুত্বৰভাৱে অগ্নিদগ্ধ হৈছে।
১৫জন লোকে সামান্যভাৱে অগ্নিদগ্ধ হৈছে।
আনহাতে, শোধনাগাৰটোৰ ৯৫০জন স্থানীয় বাসিন্দাক স্থানান্তৰ কৰা হৈছে।
দেশখনৰ ৱেষ্ট জাভা ৰাজ্যৰ শোধনাগাৰটোত জুই লগাৰ কাৰণ এতিয়ালৈকে জানিব পৰা নাই।
উল্লেখযোগ্য যে বলংগান তেল শোধনাগাৰ দেশখনৰ আটাইতকৈ বৃহৎ শোধনাগাৰ।
শোধনাগাৰটো ১৯৯৪ চনত মুকলি কৰা হৈছিল।
শোধনাগাৰটো পৰিচালনা কৰে ৰাষ্ট্ৰীয় তেল কোম্পানী ‘পাৰ্টামিনা’ই।
জুই লগাৰ পাছত অসংখ্য লোকে শোধনাগাৰ কৰ্তৃপক্ষক জবাবদিহী কৰিছে।
‘পাৰ্টামিনা’ই কয় যে জুই লগাৰ কাৰণ এতিয়ালৈকে জানিব পৰা হোৱা নাই যদিও ই তীব্ৰ বৰষুণ আৰু বিজুলী-বজ্ৰপাতৰ সময়ত উদ্ভৱ হৈছিল।
সোমবাৰে এখন সংবাদমেলযোগে তেল কোম্পানীটোৱে কয় যে শোধনাগাৰটোৰ মূল ক্ষেত্ৰসমূহ ক্ষতিগ্ৰস্ত হোৱা নাই।
অহা পাঁচ দিনৰ ভিতৰতে ই পুনৰ কৰ্মক্ষম হ’ব বুলি কোম্পানীটোৱে কয়।
You may also like
ৰাজ্যত বন্ধ হ‘ল ৬০০ খন মাদ্ৰাছা : মুখ্যমন্ত্ৰী ডঃ শৰ্মা
মুখ্যমন্ত্ৰী হিমন্ত বিশ্ব শৰ্মাই বৃহস্পতিবাৰে দাবী কৰে যে তেওঁ ৰাজ্যৰ ৬০০খন মাদ্ৰাছা বন্ধ কৰি দিছে। ৰাইজে মাদ্ৰাছাৰ পৰিৱৰ্তে বিদ্যালয়, মহাবিদ্যালয় আৰু বিশ্ববিদ্যালয়…
ৰাষ্ট্ৰীয় ঔষধ মূল্য নিৰ্ধাৰণ কৰ্তৃপক্ষই হ্ৰাস কৰিলে ৩৫টা অত্যাৱশ্যকীয় ঔষধৰ মূল্য
ৰাষ্ট্ৰীয় ঔষধ মূল্য নিৰ্ধাৰণ কৰ্তৃপক্ষই (এন পি পি এ) ৩৫টা অত্যাৱশ্যকীয় ঔষধৰ খুচুৰা মূল্য হ্ৰাস কৰি ৰোগীসকলৰ বাবে ইয়াক অধিক সুলভ কৰি…
ডিঙিত গামোচা, মুখত অসমীয়া ভাষাৰে লোকসভাৰ সদস্যৰূপে শপত গ্ৰহণ কৰিলে অসমৰ সাংসদসকলে
আজিৰপৰা অনুষ্ঠিত হোৱা সপ্তদশ লোকসভাৰ প্ৰথমখন অধিবেশনত লোকসভাৰ সদস্য হিচাপে শপতগ্ৰহণ কৰে বিজেপিৰ সংসদীয় দলৰ নেতা প্ৰধানমন্ত্ৰী নৰেন্দ্ৰ মোদী, প্ৰতিৰক্ষামন্ত্ৰী ৰাজনাথ সিং,…
অব্যাহত আছে ক’ৰ’নাৰ সংহাৰ; বিশ্বত ১.৮২ কোটি লোক ক’ভিড-১৯ত আক্ৰান্ত
সমগ্ৰ বিশ্বতে অব্যাহত আছে ক’ৰ’না ভাইৰাছৰ সংহাৰ। বিশ্বত এই পৰ্যন্ত ১ কোটি ৮২ লাখ ৩১ হাজাৰ ৫৩৫ গৰাকী লোক ক’ভিড-১৯ত আক্ৰান্ত হৈছে।…