অসমৰ মুখ্য মন্ত্ৰীৰ বিপৰীতে মেঘায়লৰ মুখ্য মন্ত্ৰীৰ অসমক ‘কা’ৰ বাহিৰত ৰখাৰ দাবী

অমসত তথা উত্তৰ-পূবৰ ৰাইজৰ তীব্ৰ প্ৰতিবাদ তথা আন্দোলনৰ মাজতে বিজেপি চৰকাৰে নাগৰিকত্ব (সংশোধন) আইন গৃহীত কৰাৰ লগতে ১০ জানুৱাৰিৰ পৰা বলৱৎ কৰিলে। সমগ্ৰ অসমৰ তথা উত্তৰ-পূবৰ ৰাইজৰ এতিয়া এটাই শ্ল’গান ‘আমি ‘ক’ নামানো।’

সমগ্ৰ অসমবাসীয়ে মুখ্য মন্ত্ৰী সৰ্বানন্দ সোণোৱালক অসমৰ ৰাইজৰ স্বাৰ্থত মাত মাতিবলৈ আহ্বান জনোৱাৰ লগতে ‘কা’ বাতিল কৰিবলৈ দাবী জনাইছিল। কিন্তু মুখ্য মন্ত্ৰী সৰ্বানন্দ সোণোৱালে এইক্ষেত্ৰত মাত নামাতিলে।

কিন্তু অসমৰ মুখ্য মন্ত্ৰীৰ বিপৰীতে এতিয়া অসমৰ বৈ মাত মাতিছে মেঘালয়ৰ মুখ্য মন্ত্ৰী কনৰাড চাংমাইয়ে। মেঘালয়ৰ মুখ্য মন্ত্ৰী গৰাকীয়ে অসমক নাগৰিকত্ব (সংশোধন) আইনৰ আওতাৰ বাহিৰত ৰাখিবলৈ দাবী জনাইছে।

১১ জানুৱাৰীত এখন সভাত চাংমাই কয়, “মই মণিপুৰ তথা মেঘালয়ৰ বৃহৎ অংশ এই আইনৰ বাহিৰত ৰখাৰ বাবে ভাৰত চৰকাৰক ধন্যবাদ জনাইছো। কিন্তু সমগ্ৰ মেঘালয়ক এই আইনৰ আওতাৰ পৰা বাহিৰত ৰখাৰ বাবে আমি দাবী জনাইছো।”

“নাগালেণ্ড, মণিপুৰ, অৰুণাচলক এই আইনৰ আওতাৰ পৰা বাহিৰত ৰখা হৈছে। কিন্তু অসমক ৰখা হোৱা নাই, আমি অসমকো এই আইনৰ আওতাৰ পৰা বাহিৰত ৰখাৰ বাবে দাবী জনাইছো” মন্তব্য মুখ্য মন্ত্ৰী গৰাকীৰ।

লগতে তেওঁ মেঘালয়ত ILP প্ৰৱৰ্তনৰ বাবে ভাৰত চৰকাৰক দাবী জনাই কয় যে অসমকে ধৰি সমগ্ৰ উত্তৰ-পূবৰ জনতাক একে সুৰক্ষা দিব লাগে।