মাৰ্কৰ এণ্টিভাইৰেল ক’ভিদ টেবলেট ম’লফ্লু মুকলি হ’ব ভাৰতত; পাঁচ দিনীয়া ক’ৰ্চৰ মূল্য হ’ব ১৪০০ টকা

দৰৱ নিৰ্মাতা ড০ ৰেড্ডীজ লেবৰেটৰিজ লিমিটেডে ভাৰতত মাৰ্কৰ এণ্টিভাইৰেল ক’ভিদ-19 টেবলেট ম’লনুপিৰাভিৰৰ জেনেৰিক সংস্কৰণ মুকলি কৰিব। ইয়াৰ প্ৰতিটো কেপচুলত মূল্য হ’ব ৩৫ টকা।

‘ম’লফ্লু’ ব্ৰেণ্ডৰ অধীনত বিক্ৰী কৰিব লগীয়া ৪০ টা কেপচুলৰ ৫ দিনীয়া ক’ৰ্চটোৰ বাবে সামগ্ৰিক ব্যয় হ’ব ১,৪০০ টকা।

“ম’লফ্লু অহা সপ্তাহৰ আৰম্ভণিৰ পৰা সমগ্ৰ দেশৰ ফাৰ্মাচীত উপলব্ধ হ’ব বুলি আশা কৰা হৈছে, বিশেষকৈ ক’ভিদ-19 ৰ অধিক সংক্ৰমণ থকা ৰাজ্যবোৰৰ ওপৰত গুৰুত্ব দি এই ব্যৱস্থা লোৱা হ’ব। ” কোম্পানীৰ এজন মুখপাত্ৰই কয়।

ভাৰতে যোৱা সপ্তাহত দুটা ভেকছিনৰ লগতে মোলনুপিৰাভিৰক জৰুৰীকালীন ব্যৱহাৰৰ অনুমোদন প্ৰদান কৰিছিল।

ভাৰতক এক উৎপাদন কেন্দ্ৰলৈ পৰিৱৰ্তন কৰাৰ লক্ষ্যৰে মাৰ্কে এশৰো অধিক নিম্ন আৰু মধ্য আয়ৰ দেশলৈ মোলনুপিৰাভিৰৰ জেনেৰিক সংস্কৰণ প্ৰস্তুত আৰু যোগান ধৰাৰ বাবে ড০ ৰেড্ডীকে ধৰি আঠটা ঘৰুৱা দৰৱ নিৰ্মাতা কোম্পানীৰ সৈতে চুক্তি কৰিছে।