উপ-নিৰ্বাচনকলৈ তৎপৰতা; তামুলপুৰত কি ক’লে বিজেপিৰ প্ৰাক্তন ৰাজ্যিক সভাপতি তথা মন্ত্ৰী ৰঞ্জিত দাসে?

৫৮ নং তামুলপুৰ বিধানসভা সমষ্টিৰ বিধায়ক গৰাকী কৰ’না মহামাৰীয়ে প্ৰাণ কাঢ়ি নিয়াৰ পিছত খালি হৈ পৰা বিধায়কৰ আসনখনৰ বাবে সমষ্টিটোত উপ নিৰ্বাচন অনুষ্ঠিত হোৱাটো নিশ্চিত হৈ পৰাত সম্প্ৰতি নিৰ্বাচনকলৈ তামুলপুৰত বিজেপি দলৰ তৎপৰতা বৃদ্ধি পাইছে।

শুকুৰবাৰে তামুলপুৰৰ ৰাজহুৱা উদ্যানত বিজেপি দলৰ বুথ সন্মিলন অনুষ্ঠিত হয়।

সভাৰ উপস্থিত থাকে তামুলপুৰ বিধানসভা সমষ্টিৰ প্ৰভাৰী তথা অসম চৰকাৰৰ কেবিনেট মন্ত্ৰী ৰঞ্জিত কুমাৰ দাস।

সভাৰ অন্ততঃ সাংবাদিকৰে হোৱা সাক্ষাৎকালত বিজেপিৰ প্ৰাক্তন ৰাজ্যিক সভাপতি তথা মন্ত্ৰী গৰাকীয়ে কয় যে দলৰ ৰাষ্ট্ৰীয় সমিতিয়ে নিৰ্ধাৰণ কৰিব ক’ত বিজেপিয়ে উপ নিৰ্বাচনত অৱতীৰ্ণ হ’ব।

বিজেপি দলে মিত্ৰ দলৰ সহযোগত উপনিৰ্বাচনত প্ৰাৰ্থীক জয়ী কৰাব বুলিও দাসে কয়।

তেওঁ কয়, ‘’মিত্ৰজোঁটৰ ধৰ্ম পালন কৰি আমি উপ নিৰ্বাচনত প্ৰাৰ্থী প্ৰদান কৰিম। ৰাষ্ট্ৰীয় সমিতিৰ সিদ্ধান্ত মৰ্মে বিজেপি দল আগুৱাই যাব।‘’