আঘাতৰ বাবে আই পি এল-২০২০ৰ পৰা বাহিৰ হ’ব পাৰে চানৰাইজ হায়দৰাবাদৰ মিচ্চেল মাৰ্ছ
ভৰিৰ সৰু গাঁঠিৰ আঘাতৰ বাবে অষ্ট্ৰেলিয়ান ক্ৰিকেট দলৰ অলৰাউণ্ডাৰ মিচ্চেল মাৰ্ছ চলিত আই পি এলৰ বাকীথকা খেলসমূহৰ পৰা বাদ পৰাৰ আংশকাই দেখা দিছে।
সোমবাৰে ৰোয়েল চেলেঞ্জাৰ বাংগালুৰুৰ বিৰুদ্ধে অনুষ্ঠিত হোৱা চান ৰাইজ হায়দৰাবাদৰ এখন খেলত বলিং কৰি থকা সময়ত ভৰিৰ সৰু গাঁঠিত আঘাত পাইছিল অলৰাউণ্ডাৰ মিচ্চেল মাৰ্ছে।
ভৰিত আঘাত পোৱাৰ পাছতে মিচ্চেল মাৰ্ছে বাকী থকা অভাৰ সমূহ সম্পুৰ্ণ কৰিব পৰা নাছিল।
পৰৱৰ্তী সময়ত হায়দৰাবাদৰ হৈ অন্তিম সময়ত মিচ্চেল মাৰ্ছে বেটিং কৰিবলৈ আহিলেও তেওঁ যথেষ্ট অসুবিধা পোৱা দেখা গৈছিল।
সোমবাৰে ৰোয়েল চেলেঞ্জাৰ বাংগালুৰু আৰু চানৰাইজ হায়দৰাবাদৰ মাজত অনুষ্ঠিত হোৱা খেলখনত বিৰাট কোহলী নেতৃত্বাধীন ৰোয়েল চেলেঞ্জাৰ বাংগালুৰুৱে চানৰাইজ হায়দৰাবাদক পৰাস্ত কৰে।
বাংগালুৰুৰ হৈ য়ুবেন্দ্ৰ চাহাল আৰু নৱদ্বীপ ছাইনীয়ে দৰ্শনীয় প্ৰদৰ্শন দাঙি ধৰিছিল।