মুখ্যমন্ত্ৰী হিচাপে হিমন্ত বিশ্ব শৰ্মাই কাৰাৰুদ্ধ অখিল গগৈৰ পৰা লাভ কৰিলে প্ৰথমখন স্মাৰক পত্ৰ; কি আছে এই পত্ৰত?
মঙ্গলবাৰে আনুষ্ঠানিকভাৱে মুখ্যমন্ত্ৰীৰ আসনখন অলংকৃত কৰাৰ পাছত প্ৰথমখন স্মাৰক পত্ৰ লাভ কৰিছে ড০ হিমন্ত বিশ্ব শৰ্মাই।
যিখন স্মাৰক পত্ৰ কাৰাৰুদ্ধ তথা GMCHত চিকিৎসাধীন শিৱসাগৰ বিধানসভা সমষ্টিৰ বিধায়ক অখিল গগৈয়ে প্ৰেৰণ কৰিছে।
স্মাৰক পত্ৰখনৰ জৰিয়তে বহুকেইটা দাবী তুলিছে কাৰাৰুদ্ধ বিধায়ক অখিল গগৈয়ে।
পত্ৰৰ জৰিয়তে গগৈয়ে দাবী জনাই কয় “অসমৰ ৩.৩ কোটি জনতাৰ প্ৰতিজন ব্যক্তিকে কোভিড-১৯ৰ ভেকচিন বিনামূলীয়াকৈ প্ৰদান কৰাৰ উপৰিও কেন্দ্ৰীয় চৰকাৰৰ পৰা যথোপযুক্ত পৰিমাণৰ ভেকচিন অনাৰ ব্যৱস্থা কৰিব লাগে।”
ইয়াৰোপৰি, ৰেমডিচিভিৰকে ধৰি কোভিড-১৯ৰ সকলো ঔষধ আৰু চিকিৎসা বিনামূলীয়াকৈ প্ৰদান কৰাৰ উপৰিও হোম আইচ’লেচনত পঠিওৱা ৰোগীক এম্বুলেন্সেৰে ঘৰলৈ পঠোৱাৰ ব্যৱস্থা কৰিব লাগে বুলিও পত্ৰৰ জৰিয়তে অখিল গগৈয়ে উল্লেখ কৰে।
অখিল গগৈয়ে গুৱাহাটীকে ধৰি ৰাজ্যখনৰ সকলো জিলা সদৰতে চিকিৎসালয়ৰ বিচনা, আই চি ইউত অক্সিজেনৰ যোগান নিশ্চিত কৰিব লাগে বুলিও স্মাৰক পত্ৰত আন এক দাবী জনাইছে।
ইপিনে, চিকিৎসাকৰ্মী, এম্বুলেঞ্চৰ চালক, চাফাই কৰ্মী আদিক অগ্ৰাধিকাৰ দি ভেকচিন প্ৰদান কৰাৰ উপৰিও আৰু উপযুক্ত পিপিই কিট প্ৰদান কৰিবলৈ দাবী উত্থাপন কৰে অখিল গগৈয়ে।
অত্যাৱশ্যকীয় সামগ্ৰীৰ মূল্যবৃদ্ধি ৰোধ কৰাৰ বাবে অখিলে দাবী উত্থাপন কৰি লগতে কয় “মূল্যবৃদ্ধি ৰোধৰ বাবে এটি ৰাজহুৱা পুঁজি তৈয়াৰ কৰা, কভিড-১৯ৰ সংকট শেষ নোহোৱা পৰ্যন্ত অসমৰ সকলো দৰিদ্ৰ তথা অভাৱী পৰিয়ালক মাহে ৫০০০ টকাকৈ ক্ষতিপূৰণ প্ৰদান কৰিব লাগে।”
ইপিনে, অসমে নিশ্চয় এই ভয়ংকৰ সংকটক উমৈহতীয়াভাৱে মোকাবিলা কৰিব পাৰিব আৰু অৰ্থনীতিৰ পুনৰুদ্ধাৰো কৰিব পাৰিব বুলি আশা প্ৰকাশ কৰি তেওঁ কোভিড ভেকচিন দিয়াৰ ক্ষেত্ৰত সকলো ৰাজ্যতকৈ অসমক শ্ৰেষ্ঠ ৰাজ্য কৰিবলৈ মুখ্যমন্ত্ৰী হিমন্ত বিশ্ব শৰ্মাক আহ্বান জনায়।
You may also like
সতী সাধনী নামেৰে বগীবিল দলং নামাকৰণ কৰাৰ দাবী বোকাখাত মহকুমা চুতীয়া ছাত্ৰ সন্থাৰ
বোকাখাত মহকুমা চুতীয়া ছাত্ৰ সন্থাৰ উদ্যোগত ২০ অক্টোবৰত বোকাখাতত এখন নাগৰিক সভা অনুষ্ঠিত হয়। বােকাখাতৰ সাধনী ভৱনত অনুষ্ঠিত এই নাগৰিক সভাত পৌৰোহিত্য…
ধিঙত ৯ এম এম পিষ্টলসহ আৰক্ষীৰ জালত কুখ্যাত অপৰাধী
নগাঁও জিলাৰ ধিং আৰক্ষীয়ে আজি এক অভিযান চলাই অঞ্চলটোৰ এগৰাকী কুখ্যাত অপৰাধীক কৰায়ত্ত কৰা ঘটনাক কেন্দ্ৰ কৰি অঞ্চলটোত তীব্ৰ চাঞ্চল্যৰ সৃষ্টি হৈছে।…
দেশত অভাৱনীয় হাৰত বৃদ্ধি পাবলৈ ধৰিছে নিবনুৱাৰ হাৰ; আশ্বৰ্য্যকৰ তথ্য প্ৰকাশ
নৰেন্দ্ৰ মোদী নেতৃত্বাধীন বিজেপিয়ে শাসনভাৰ দখল কৰাৰ পিছৰে পৰা দেশত অভাৱনীয় হাৰত বৃদ্ধি পাবলৈ ধৰিছে নিবনুৱাৰ সংখ্যা। শেহতীয়া এক তথ্য মতে দেশত…
ইৰাণৰ পৰা তেল ক্ৰয় কৰি বিপদত ভাৰতীয় কোম্পানী, ৬টা কোম্পানীৰ ওপৰত নিষেধাজ্ঞা আমেৰিকাৰ
ইৰাণৰ পৰা পেট্ৰলিয়াম সামগ্ৰী আমদানি কৰাৰ বিৰুদ্ধে কঠোৰ ব্যৱস্থা গ্ৰহণ কৰিছে আমেৰিকাই। ইৰাণৰ সৈতে ব্যৱসায়িক সম্পৰ্ক থকাৰ অভিযোগত ভাৰতীয় ৬টা কোম্পানীকে ধৰি…