মোদী চৰকাৰে এই একাউন্টসমূহত ভৰাই দিব ৩৬হাজাৰকৈ টকা

কৰ’না মহামাৰীৰ আতংকৰ মাজতে সাধাৰণ নাগৰিকৰ বাবে এটা ভাল খৱৰ।

কেন্দ্ৰৰ মোদী চৰকাৰে দেশৰ সাধাৰণ নাগৰিকৰ বেংক একাউন্টত বছৰি ৩৬,০০০টকাকৈ দিবলৈ সিদ্ধান্ত লৈছে।

প্ৰকৃততে,আৰ্ত আৰু দৰিদ্ৰ জনসাধাৰণক বিত্তীয় সকাহ দিয়াৰ উদ্দেশ্যে কেন্দ্ৰীয় চৰকাৰে এলানি বিভিন্ন আঁচনি আৰম্ভ কৰিছে।

ইয়াৰ অধীনত নগদকে বা আন অত্যাৱশ্যকীয় সামগ্ৰীসমূহ দৰিদ্ৰ, শাৰীৰিকভাৱে অক্ষম, বিধৱা তথা জ্যেষ্ঠ নাগৰিকসকলৰ একাউন্টত প্ৰত্যক্ষভাৱে উপলব্ধ কৰা হৈছে।

ইপিনে, কৰ’নাৰ সংকটৰ মাজতে কেন্দ্ৰীয় চৰকাৰে ২০ লাখ কোটি টকাৰ পেকেজ ঘোষণা কৰে যাৰ এক বৃহৎ অংশ সমাজৰ আৰ্ত লোকসকলৰ বাবে ধাৰ্য কৰা হৈছে।

এই আঁচনিবোৰৰ এটা হৈছে ‘প্ৰধান মন্ত্ৰী শ্ৰম যোগী মন ধন যোজনা’ আঁচনি।

উক্ত ‘প্ৰধান মন্ত্ৰী শ্ৰম যোগী মন ধন যোজনা’ৰ অধীনত চৰকাৰে জাৱৰ উঠোৱা, ঘৰুৱা বনকৰা, ৰিক্সাচালক, কৃষি শ্ৰমিকৰ দৰে দেশৰ অসংগঠিত খণ্ডৰ শ্ৰমিকক বিত্তীয় সাহায্য দিয়া আগবঢ়াইছে।

এই আঁচনিৰ অধীনত ৬০বছৰ বয়সৰ পাছত চৰকাৰে বছৰি ৩৬হাজাৰ টকাকৈ পেঞ্চন দিব।

এক তথ্য অনুসৰি, দেশৰ ৪২কোটিতকৈয়ো অধিক শ্ৰমিকে এই আঁচনিৰ সুবিধা ল’ব পাৰিব।

তদুপৰি, চৰকাৰে লগতে প্ৰধান মন্ত্ৰী কিষান মন ধন যোজনা আৰু ক্ষুদ্ৰ ব্যৱসায়িক পেঞ্চন আঁচনিও আৰম্ভ কৰিছে। এই আঁচনিৰ বাবে যোৱা ৬ মে’লৈকে প্ৰায় ৬৪.৫ লাখ লোকে পঞ্জীয়ন কৰিছে।

অসংগঠিত খণ্ডৰ লোকৰ বাবে গ্ৰহণ কৰা এই আঁচনিত পঞ্জীয়নৰ বাবে আবেদনকাৰীৰ বয়স ১৮ বছৰৰ পৰা ৪০ বছৰৰ ভিতৰত হ’ব লাগিব।

তদুপৰি, মাহিলী আয় ১৫,০০০টকাৰ অধিক হ’ব নালাগিব।

এই আঁচনিৰ বাবে পঞ্জীয়ন ওচৰত থকা উমৈহতীয়া সেৱা কেন্দ্ৰলৈ গৈ বা ইপিএপঅ’ৰ ৱেবছাইটত গৈয়ো কৰিব পাৰিব।

ইয়াৰ উপৰি, কোনোৱে এল আই চিৰ ব্ৰাঞ্চ অফিচ, ESIC, EPFO বা কেন্দ্ৰীয় তথা ৰাজ্য চৰকাৰৰ শ্ৰম বিভাগৰ কাৰ্যালয়ত গৈয়ো আবেদন কৰিব পাৰে।

মনত ৰাখিবলগীয়া কথাটো হ’ল আবেদনৰ বাবে আধাৰ কাৰ্ড, চেভিং বা জন ধন একাউন্ট আৰু IFSC কোডৰ সৈতে মোবাইল নাম্বাৰ এই তিনিটা বস্তু প্ৰয়োজন।