মিষ্টাৰ এণ্ড মিচেছ : স্বামীৰ পাছত পত্নীয়ে পালে কেৰালাৰ মুখ্য সচিবৰ পদবী
কেৰালাৰ ইতিহাসত নোহোৱা-নোপজা ঘটনা। স্বামীৰ পাছত পত্নীয়ে লাভ কৰিলে কেৰালাৰ সৰ্বোচ্চ বিষয়া পদবী।
যোৱা ৩১ আগষ্টত কেৰালাৰ মুখ্য সচিবৰ দায়িত্বৰ পৰা অৱসৰ গ্ৰহণ কৰিছিল ভাৰতীয় প্ৰশাসনিক বিষয়া ভি ভেনুৱে। ভেনুৰ অৱসৰৰ পিছত এই পদ লাভ কৰে ভানুৰ পত্নী সাৰাদা মুৰালীধৰণে।
যোৱা ২১ আগষ্টত কেৰালা চৰকাৰে মুৰালীধৰণৰ নিযুক্তি নিশ্চিত কৰে। ইয়াৰ পূৰ্বে তেওঁ অতিৰিক্ত মুখ্য সচিব (পৰিকল্পনা আৰু অৰ্থনৈতিক পৰিক্ৰমা) হিচাপে কাৰ্যনিৰ্বাহ কৰিছিল। ভেনু আৰু মুৰালীধৰণ দুয়োজনেই ১৯৯০ চনৰ আই এ এছ বিষয়া।
স্বামীৰ পিছত পত্নীয়ে এই পদবী লাভ কৰাক লৈ এতিয়া সৰ্বত্ৰে চৰ্চা চলিছে। কংগ্ৰেছ নেতা তথা তিৰুৱনন্তপুৰমৰ সাংসদ শশী থাৰুৰে সামাজিক মাধ্যমত পত্নীয়ে স্বামীৰ পৰা পদৰ দায়িত্ব গ্ৰহণ কৰাৰ এটা ভিডিঅ’ শ্বেয়াৰ কৰিছে।
কেৰালাৰ মুখ্যমন্ত্ৰী পিনাৰায় বিজয়নেও এই উল্লেখযোগ্য ঘটনাক অদ্ভুদ অভিজ্ঞতা হিচাপে বৰ্ণনা কৰিছে।
For the first time in India (at least as far as anyone can remember!), Kerala’s outgoing ChiefSecretary, Dr V, Venu, handed over the CS’s post to his wife, Sarada Murlidharan, at a formal handover ceremony at the secretariat in Thiruvananthapuram. Both are IAS officers of the… pic.twitter.com/E0nZmDDIWi
— Shashi Tharoor (@ShashiTharoor) September 1, 2024
উল্লেখ্য যে অৱসৰলৈ আৰু ৮ মাহ বাকী আছে মুৰালীধৰণৰ। স্বামীৰ অৱসৰৰ পিছত পত্নীয়ে এই দায়িত্ব লাভ কৰা ঐতিহাসিক ঘটনাই ইতিমধ্যে দেশৰ সকলোতে চৰ্চা লাভ কৰিছে।