ধোনীয়ে ২০২৪ চনৰ লোকসভা নিৰ্বাচনত প্ৰতিদ্বন্দ্বিতা কৰিব লাগে : সুব্ৰমনিয়ন স্বামী
ভাৰতৰ প্ৰাক্তন অধিনায়ক মহেন্দ্ৰ সিং ধোনীয়ে স্বাধীনতা দিৱসৰ দিনাই আন্তঃৰাষ্ট্ৰীয় ক্ৰিকেটৰ পৰা অৱসৰ ঘোষণা কৰাক লৈ তীব্ৰ প্ৰতিক্ৰিয়াৰ সৃষ্টি হৈছে অনুৰাগীৰ মাজত।
ধোনীয়ে লোৱা এই সিদ্ধান্তৰ পিছৰে পৰা তেওঁৰ ভৱিষ্যতক লৈ বিভিন্ন জনে বিভিন্ন মন্তব্য প্ৰদান কৰা পৰিলক্ষিত হৈছে।
একাংশই ক’বলৈ ধৰিছে যে ধোনীয়ে এতিয়া প্ৰশিক্ষক হ’ব আৰু একাংশৰ মতে ধোনীয়ে এতিয়া জৈৱিক কৃষিত মনোনিৱেশ কৰিব।
এই ধৰণৰ মন্তব্য ওলাই থকাৰ সময়তে বিজেপি নেতা সুব্ৰমনিয়ন স্বামীয়েও ধোনীৰ ভৱিষ্যত সম্পৰ্কে নিজৰ ৰায় প্ৰদান কৰিছে।
ৰাজ্যসভাৰ সাংসদ গৰাকীয়ে ধোনীক নিৰ্বাচনত প্ৰতিদ্বন্দ্বিতা কৰাৰ পৰামৰ্শ প্ৰদান কৰে।
বিজেপি নেতাগৰাকীয়ে এটা টুইটযোগে কয়, ‘ধোনীয়ে ক্ৰিকেটৰ পৰা অৱসৰ লৈছে, সকলো বস্তুৰে পৰা নাহয়। এম এছ ধোনীৰ দৃঢ় প্ৰকল্প, তেওঁৰ শক্তি, তেওঁৰ নেতৃত্ব যিটো তেওঁ ক্ৰিকেটত প্ৰতিপন্ন কৰিছে, সেইটো ৰাইজৰো কামত আহিব লাগে। তেওঁ ২০২৪ হ’বলগীয়া সাধাৰণ নিৰ্বাচনত প্ৰতিদ্বন্দ্বিতা কৰিব লাগে’।
M. S. Dhoni is retiring from Cricket but not from anything else. His talent-to be able to fight against odds and his inspiring leadership of a team that he has demonstrated in cricket is needed in public life. He should fight in LS General Elections in 2024.
— Subramanian Swamy (@Swamy39) August 16, 2020
অৱশ্যে স্বামীয়ে নিজৰ টুইটোত ধোনীয়ে বিজেপিৰ হৈ নিৰ্বাচনত যুঁজ দিব লাগে বুলি কোনো কথা উল্লেখ কৰা নাই।
উল্লেখ্য যে ভাৰতীয় ক্ৰিকেট দলৰ অন্যতম সৰ্বাধিক সফল অধিনায়ক, দুবাৰৰ বিশ্বকাপ জয়ী মহেন্দ্ৰ সিং ধোনিয়ে দেশৰ ৭৪ সংখ্যক স্বাধীনতা দিৱসৰ দিনাই আন্তঃৰাষ্ট্ৰীয় ক্ৰিকেটক বিদায় জনাইছে।