নাগালেণ্ডত কোভিড-১৯ আক্ৰান্তৰ সংখ্যা ৫৮ জনলৈ বৃদ্ধি
নাগালেণ্ডত মঙলবাৰে পুনৰ ৯ গৰাকী লোকৰ শৰীৰত কোভিড-১৯ৰ উপস্থিতি ধৰা পৰে।
নতুনকৈ কোভিড-১৯ত আক্ৰান্ত হোৱা লোক কেইগৰাকী অলপতে চেন্নাইৰ পৰা উভতি অহা।
নতুনকৈ কোভিড-১৯ত আক্ৰান্ত হোৱা লোক ৯ গৰাকীৰ সৈতে নাগালেণ্ডত বৰ্তমান কোভিড-১৯ আক্ৰান্ত লোকৰ সংখ্যা ৫৮ গৰাকীলৈ বৃদ্ধি পায়।
নাগালেণ্ডৰ স্বাস্থ্য মন্ত্ৰী এছ পাংগানু ফোমে বুধাবাৰে ৰাতিপুৱা টুইটাৰ যোগে এই কথা প্ৰকাশ কৰে।
মঙলবাৰে চেন্নাইৰ পৰা উভতি অহা মুঠ ১১৫ গৰাকী লোকৰ শৰীৰত কোভিড-১৯ৰ পৰীক্ষা কৰা হয় আৰু ইয়াৰে ভিতৰত ৯ গৰাকী প’জিটিভ হয়।
উল্লেখযোগ্য যে, নাগালেণ্ডত ক’ৰ’না আক্ৰান্ত হোৱা আটাইকেইগৰাকী লোক বৰ্তমান চিকিৎসালয়ত চিকিৎসাধীন হৈ আছে।
বৰ্তমানলৈ নাগালেণ্ডত এগৰাকীও ক’ৰ’না আক্ৰান্তৰ মৃত্যু হোৱা নায় যদিও কোনো এগৰাকী ৰোগী ক’ৰ’না মুক্ত হোৱা নায়।
উত্তৰ-পূবৰ ৰাজ্য সমূহৰ ভিতৰত অসমত সৰ্বাধিক ক’ৰ’না আক্ৰান্ত থকাৰ বিপৰীতে দ্বিতীয় স্থানত আছে ত্ৰিপুৰা।