শীঘ্ৰে সলনি হ’ব গুৱাহাটী মহানগৰীৰ ৮ টাকৈ স্থানৰ নাম

শীঘ্ৰে সলনি হ’ব গুৱাহাটী মহানগৰৰ ৮ টাকৈ স্থানৰ নাম। গুৱাহাটী পৌৰ নিগমৰ মেয়ৰ মৃগেন শৰনীয়াই এই কথা সদৰি কৰিছে।

মৃগেন শৰণীয়াই উল্লেখ কৰা অনুসৰি ইতিমধ্যে বিভিন্ন দল সংগঠন আৰু স্থানীয় ৰাইজে কিছু পথ তথা স্থানৰ নতুনকৈ নামাকৰণ কৰিব লাগে বুলি আবেদন জনাইছিল।

এই আবেদনৰ প্ৰতি সঁহাৰি দি সাধাৰণ সভাই কেইবাটাও পথ আৰু স্থানৰ নাম সলনিৰ প্ৰস্তাৱ গৃহীত কৰিছে বুলি মেয়ৰ শৰণীয়াই উল্লেখ কৰে।

সেই অনুসৰি চেৰাবভাটিৰ নাম সলনি কৰি আৰ্যনগৰ নাম দিয়া হৈছে। কলাপাহাৰৰ পৰিৱৰ্তে নীলাচল নগৰ হিচাপে নামাকৰণ কৰিবলৈ সিদ্ধান্ত গ্ৰহণ কৰা হৈছে।

লগতে উলুবাৰী কছাৰী বস্তিৰ পৰা বৰঠাকুৰ মিললৈ যোৱা পথটোৰ পূৰ্বে কোনো নাম নাছিলে যদিও পথৰ কাষতে থকা বাথৌ মন্দিৰৰ নামেৰে পথটোৰ নাম বাথৌ মন্দিৰ পথ বুলি বুলি নামাকৰণ কৰে।

বি কে কাকতি পথৰ নাম সলনি কৰি পবিত্ৰ পথ হিচাপে নতুনকৈ নামাকৰণ কৰা হৈছে। ৰীহাবাৰী অঞ্চলত ভাৱতৰণ দাসৰ নামত এটা বাইলেন নামাকৰণ কৰা হৈছে।

মেয়ৰ মৃগেন শৰণীয়াই সদৰি কৰা মতে ইতিমধ্যে ৬টা কৈ পথৰ নাম চূড়ান্ত কৰা হৈছে। এমাহৰ ভিতৰত এই ক্ষেত্ৰত সকলো কাম শেষ কৰিবলৈ চেষ্টা কৰা হ’ব বুলি তেওঁ লগতে উল্লেখ কৰে।