সলনি হৈছে বৃহস্পতিৰ গ্ৰেট ৰেড স্পট! তথ্য লাভ কৰি আচৰিত হৈ পৰিছে গৱেষকসকল
ফটোঃ সংগ্ৰহীত।
শেহতীয়াকৈ দ্য প্লেনেটাৰী চাইন্স জাৰ্নেলত এটা তথ্য প্ৰকাশ পাইছে। সাধাৰণ মানুহে সেই কথা শুনি স্তম্ভিত হৈ পৰে। তাত কোৱা হৈছে যে বৃহস্পতিৰ ৰঙা দাগটো সুস্থিৰ নহয়।
বৃহস্পতিৰ শৰীৰৰ এই ৰঙা দাগটোক লৈ যথেষ্ট জল্পনা-কল্পনাৰ সৃষ্টি হৈছিল। সেই ৰঙা দাগটোৰ প্ৰতি যুগ যুগ ধৰি চলি আহিছে কৌতুহল।দৰাচলতে সেইটো কি, তাৰ পৰা কি হ’ব পাৰে, সেইবোৰ সঠিকভাৱে জানিবলৈ গৱেষণা চলি আছিল।
শেহতীয়াকৈ প্ৰকাশিত তথ্য অনুসৰি বৃহস্পতিৰ গ্ৰেট ৰেড স্পট বা জি আৰ এছ স্থবিৰ নহয়, ই দোলনীয়। গৱেষণাৰ অন্তত নাছাই সেই তথ্য ৰাজহুৱা কৰিছে।
হাবল স্পেচ টেলিস্কোপ ব্যৱহাৰ কৰি মহাকাশ কেন্দ্ৰটোৱে ২০২৩ চনৰ ডিচেম্বৰৰ পৰা ২০২৪ চনৰ মাৰ্চ মাহৰ ভিতৰত সেই ৰেড স্পট পৰ্যবেক্ষণ কৰিছিল।
টাইম লেপছ মুভি গণনাৰে বিতং বিৱৰণ সংগ্ৰহ কৰা হয়। ৰঙা দাগটোৰ পৰিৱৰ্তন তাত ধৰা পৰে। দেখা গৈছে যে বৃহস্পতিৰ ৰঙা দাগটোৰ আকৃতিও সলনি হয়।
গৱেষকসকলৰ বাবে আকৃতি আৰু গতিৰ এই পৰিৱৰ্তন যথেষ্ট উল্লেখযোগ্য আৰু আচৰিত এক পৰিঘটনা।